ବିଗ୍‌ବସ୍‌ରେ କୋଣାର୍କ ଓ ପୁରୀ କଥା ଆଲୋଚନା କଲେ ପ୍ରତିଯୋଗୀ

ନୂଆଦିଲ୍ଲୀ : ବିଗ୍‌ବସ୍‌ ୧୩ ଟିଆର୍‌ପି ମାମଲାରେ ବହୁତ ଭଲ କରିବାରେ ଲାଗିଛି । ଏହି ସୋ’ର ୧୩ତମ ସପ୍ତାହ ବହୁତ ଅଧିକ ଟିଆର୍‌ପି ଆଣିଛି ଏବଂ ଏହାର ଶ୍ରେୟ କେବଳ ସିଦ୍ଧାର୍ଥ ଶୁକ୍ଲାଙ୍କୁ ହିଁ ଦିଆଯାଇପାରେ । କାରଣ ଏହି ସପ୍ତାହରେ ସେମାନଙ୍କର ଝଗଡ଼ା ହୋଇଥିଲା। ଆଉ ଏହା ଥିଲା ସବୁଠୁ ହଟ୍‌ ଟପିକ୍‌ ଥିଲା । ଏଣୁ ତାହା କୌଣସି ଝଗଡ଼ାର ବିଷୟ ହେଉ ବା କୌଣସି ପରିବର୍ତ୍ତନର ସମୀକରଣ , ଘରର ସବୁ ଘଟଣା ଗୋଟେ ଗୋଟେ ଆକର୍ଷଣୀୟ ଖବର ପାଲଟୁଛି ।

ଏବେ ଏମିତି ଏକ ବିଷୟ ରୋଚକ ଖବର ସାଜିଛି । ଯାହାକି ଏବେ ସୋଶାଲ ମିଡ଼ିଆରେ ଭାଇରାଲ୍‌ ହୋଇଛି । ବିଗ୍‌ବସର ଏହି ୫ ପ୍ରତିଯୋଗୀ ସିଦ୍ଧାର୍ଥ ଶୁକ୍ଳା , ସେଫାଲି ଜରିୱାଲା, ପାରସ ଛାବ୍ରା, ଆରତୀ , ମାହିରାଙ୍କ ମଧ୍ୟରେ ଓଡ଼ିଶାକୁ ନେଇ ଆଲୋଚନା ଚାଲିଥିଲା। ୧୩ତମ ସୋ’ରେ ଥିବା ଏହି ଚର୍ଚ୍ଚିତ ପ୍ରତିଯୋଗୀଙ୍କ ମଧ୍ୟରେ ଓଡ଼ିଶାର କୋଣାର୍କ ମନ୍ଦିର , ପୁରୀ ଶ୍ରୀଜଗନ୍ନାଥ ମନ୍ଦିର ଓ ଛପନ ଭୋଗ ବିଷୟରେ ଏହି  ଗସିପ୍‌ ଏକ ଅଂଶ ଥିଲା । ସେଫାଲି ଜରିୱାଲା ଯେତେବେଳେ ସିଦ୍ଧାର୍ଥ ଶୁକ୍ଳାଙ୍କୁ ପଚାରୁଛନ୍ତି, ତୁମେ ଛପନ ଭୋଗ ବିଷୟରେ ଜାଣ । ସିଦ୍ଧାର୍ଥ ଶୁକ୍ଳା ଖୁସିରେ ମୁଣ୍ଡକୁ ହଲାଇ ହଲାଇ କହୁଛନ୍ତି , ‘ଓ ମାଇଁ ଗଡ଼ , ଛପନ ଭୋଗ ...ମୁଁ ଜାଣେ , ବହୁତ ପ୍ରସିଦ୍ଧ , ଏହାକୁ ମହାପ୍ରସାଦ କହନ୍ତି।‘  ଏହି ଭୋଗ କିପରି , ଏହା କିପରି ମିଳେ, ଏସବୁକୁ ନେଇ ସେମାନେ କଥାବାର୍ତ୍ତା ହୁଅନ୍ତି ।

ଆଉ ଜଣେ ପ୍ରତିଯୋଗୀ ପାରସ ଛାବ୍ରା ସମସ୍ତଙ୍କୁ ପଚାରୁଛନ୍ତି ଛପନ ଭୋଗ କେମିତି ହୁଏ ଜାଣ ? ସମସ୍ତେ ଯେତେବେଳେ ଜାଣିବାକୁ ଇଚ୍ଛା କରନ୍ତି , ପାରସ ସେମାନଙ୍କୁ ହାତରେ ଇଙ୍ଗିତ କରି କହୁଛନ୍ତି ଏକ ଗୋଟେ ଚୁଲିରେ ବଡ଼ ହାଣ୍ଡି ଉପରେ ଅନେକ ଉପରକୁ ଉପର ହାଣ୍ଡି ବସି ତିଆରି ହୁଏ ଏହି ଭୋଗ।

ଏହା ସହ କୋଣାର୍କ ମନ୍ଦିର ବିଷୟରେ ମଧ୍ୟ ଆଗ୍ରହର ସହ ଆଲୋଚନା କରନ୍ତି । କେମିତି ଉଦିତ ସୂର୍ଯ୍ୟଙ୍କୁ ମୁହଁ କରି ମନ୍ଦିରର ଦ୍ୱାର ରହିଛି ,ଏହାକୁ ନେଇ ସେମାନେ ଆଶ୍ଚର୍ଯ୍ୟପୂର୍ଣ୍ଣ ଭାବେ ନିଜ ନିଜର ମତ ରଖନ୍ତି ।

(ସୋଜନ୍ୟ : ୟୁଟ୍ୟୁବ୍‌ )