ଅମିତାଭଙ୍କ ଗୋଟେ ଟ୍ୱିଟ୍‌ ରାତାରାତି ବନେଇଦେଲା ଯୁବତୀଙ୍କୁ ଷ୍ଟାର!

ମୁମ୍ୱାଇ: ବିଗ୍ ବି ଅମିତାଭ ବଚ୍ଚନ ସୋସିଆଲ୍ ମିଡିଆରେ ସବୁବେଳେ ଆକ୍ଟିଭ୍ ରୁହନ୍ତି। ଏବେ ଅମିତାଭ ବଚ୍ଚନ ଟ୍ୱିଟରରେ ଏକ ଭିଡିଓ ଶେୟାର୍ କରିଛନ୍ତି, ଯେଉଁଥିରେ ଜଣେ ଝିଅକୁ ଗୀତ ଗାଉଥିବାର ଦେଖିବାକୁ ମିଳୁଛି। ଏହି ଭିଡିଓଟି ଖୁବ୍ ଭାଇରାଲ୍ ହେବାରେ ଲାଗିଛି। ସେ ଟୁଇଟ୍‌ କରି ଗୀତ ଗାଉଥିବା ଝଅକୁ ପ୍ରଶଂସା କରି କହିଥିଲେ ଯେ 'ସେ ଜଣେ ବିଶେଷ ପ୍ରତିଭା'। ଅମିତାଭଙ୍କ ଠାରୁ କପ୍ଲିମେଣ୍ଟ ପାଇବା ପରେ ଝିଅଟି ମଧ୍ୟ ତାଙ୍କୁ ଧନ୍ୟବାଦ ଦେବା ସହିତ କୃତଜ୍ଞତା ଜଣାଇଛନ୍ତି।

View this post on Instagram

@amitabhbachchan sir shared my song just now. It feels so soooo great. Never in my dream did i imagine he would liaten to me sing . Thankyou so much to each and everyone of you for making this possible.🥰🥰🥰🥰🥰🥰🥰🥰🥰

A post shared by Arya Dhayal (@aryadhayal) on Jul 25, 2020 at 12:23am PDT

ଅମିତାଭଙ୍କ ଏହି ଟୁଇଟ୍‌ ରାତାରାତି ଆର୍ଯ୍ୟାଧାୟଲଙ୍କୁ ଲୋକପ୍ରିୟ କରିଥିଲା। ଏନେଇ ଆର୍ଯ୍ୟା ମଧ୍ୟ ଅମିତାଭଙ୍କୁ କୃତଜ୍ଞତା ଜଣାଇବା ପାଇଁ ଏକ ପୋଷ୍ଟ କରିଛନ୍ତି। ସେ ଲେଖିଛନ୍ତି 'ଏହା ଆପଣଙ୍କ ପାଇଁ ମୋର ଭଲପାଇବା। ଅମିତାଭ ବଚ୍ଚନ ସାର୍‌ ମୋର ଗୀତ ଶେୟାର କରିଛନ୍ତି। ମୋତେ ବହୁତ ଖୁସି ଲାଗୁଛି। କେବେ ସ୍ୱପ୍ନରେ ବି ଭାବି ନଥିଲି ଯେ ଅମିତାଭ ସାର୍‌ ମୋ ଗୀତକୁ ଶୁଣିବେ। ଯେଉଁମାନେ ମୋତେ ଏପରି କାମରେ ସାହାଯ୍ୟ କରିଛନ୍ତି, ସେମାନଙ୍କୁ ମଧ୍ୟ ଅନେକ ଧନ୍ୟବାଦ।'

ଆର୍ଯ୍ୟା ନିଜର ଗୀତ ପାଇଁ ସୋସିଆଲ ମିଡିଆରେ ଖୁବ୍‌ ଲୋକପ୍ରିୟ। ଇନଷ୍ଟାଗ୍ରାମରେ ତାଙ୍କର ହଜାର ହଜାର ପ୍ରଶଂସକ ଅଛନ୍ତି। ତାଙ୍କ ଭିଡିଓରେ ପାଶ୍ଚାତ୍ୟ ସଙ୍ଗୀତର ମିଶ୍ରଣ ଶୁଣିବାକୁ ମିଳେ। ଆର୍ଯ୍ୟାଙ୍କ ଏପରି ଏକ ଭିଡିଓ ମଧ୍ୟ ଅମିତାଭ ବଚ୍ଚନଙ୍କ ଦୃଷ୍ଟି ଆକର୍ଷଣ କରିଥିଲା।

T 3605 - My music partner and dear friend sent me this .. I do not know who this is but I can just say “You are a very special talent, God bless you .. keep up the good work .. you have brightened my day in the Hospital like never before. Mixing Karnatak & Western pop.. amazing!" pic.twitter.com/9YfkXDopnP

— Amitabh Bachchan (@SrBachchan) July 25, 2020

ଭିଡିଓକୁ ଶେୟାର କରି ବିଗ୍‌ ବି ଲେଖିଥିଲେ, 'ମୋର ମ୍ୟୁଜିକ୍‌ ସାଙ୍ଗ ଓ ପ୍ରିୟ ବନ୍ଧୁମାନେ ମୋ ପାଖକୁ ଏହି ଭିଡିଓ ପଠାଇଥିଲେ। ମୁଁ ଜାଣିନି ଏ କିଏ? କିନ୍ତୁ ମୁଁ ଏତିକି କହିପାରିବି, ତୁମେ ଜଣେ ବିଶେଷ ପ୍ରତିଭା,ଭଗବାନ ତୁମକୁ ଆଶୀର୍ବାଦ କରନ୍ତୁ। ଏହିପରି ଭଲ କାମ ଜାରି ରଖନ୍ତୁ। ତୁମର ଏଭଳି ଗୀତ ଶୁଣି ହସ୍ପିଟାଲରେ ମୋର ଦିନଟି ଖୁସିଭରା ହୋଇଗଲା। କର୍ଣ୍ଣାଟକ ଏବଂ ୱେଷ୍ଟର୍ଣ୍ଣ ପପ୍‌ର ମିଶ୍ରଣ ଜବରଦସ୍ତ।'

ସାଧାରଣତଃ, ଅମିତାଭ ବଚ୍ଚନ ଏହିପରି ନୂତନ ପ୍ରତିଭାମାନଙ୍କୁ ସର୍ବଦା ଉତ୍ସାହିତ କରିଥାନ୍ତି। ଏବେ କରୋନା ପଜିଟିଭ୍ ଥିବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ତାଙ୍କ ସ୍ୱାସ୍ଥ୍ୟବସ୍ଥା ପୂର୍ବ ଅପେକ୍ଷା ଭଲ ରହିଛି ଏବଂ ଆଶା କରାଯାଉଛି ଯେ ସେ ଶୀଘ୍ର ଡିସଚାର୍ଜ ହୋଇ ଘରକୁ ଫେରିବେ।