Major Fire Breaks Out : ଗୋଆ ପରେ ଭୁବନେଶ୍ବର, ସତ୍ୟବିହାର ସ୍ଥିତ ବାରରେ ଭୟଙ୍କର ଅଗ୍ନିକାଣ୍ଡ

ରାଜଧାନୀର ସତ୍ୟବିହାର ସ୍ଥିତ ଏକ ବାରରେ ଭୟଙ୍କର ଅଗ୍ନିକାଣ୍ଡ । ହୁତୁ ହୁତୁ ହୋଇ ଜଳିଗଲା କୋଠାର ରୁଫ ଟପରେ ଥିବା ବାର । ଚାହୁଁ ଚାହୁଁ ବାରଟି ସଂପୂର୍ଣ୍ଣ ଜଳିଯାଇଛି । ଘଣ୍ଟାଏ ଉଦ୍ୟମ ପରେ ନିଆଁକୁ ଆୟତ୍ତ କରିଥିଲା ଅଗ୍ନିଶମ ବାହିନୀ । ଘଟଣା ସ୍ଥଳରେ ୫ଟି ଦମକଳ ଗାଡ଼ି ନିଆଁ ଲିଭା କାମରେ ନିୟୋଜିତ ହୋଇଥିଲେ । ତେବେ ଅଗ୍ନିକାଣ୍ଡ ବେଳେ ବାରରେ କେହି ଥିଲେ ନା ନାହିଁ ତାହା ସ୍ପଷ୍ଟ ହୋଇପାରିନାହିଁ । ଘଟଣା ସ୍ଥଳରେ ଆମ୍ବୁଲାନ୍ସ ପହଞ୍ଚିଛି। ନିଆଁର ମାତ୍ରା ଏତେ ଅଧିକ ଥିଲା ଯେ ନିଆଁକୁ ଆୟତ୍ତ କରିବାକୁ ନାକେଦମ ହୋଇଥିଲା ଅଗ୍ନିଶମ ବାହିନୀ । ଗୋଆ ବାରରେ ଅଗ୍ନିକାଣ୍ଡ ଘଟଣା ମନରୁ ନଲିଭୁଣୁ ଏବେ ଭୁବନେଶ୍ବରର ଏକ ବାରରେ ଅଗ୍ନିକାଣ୍ଡ ଘଟିଛି। ... ତେବେ ଏହି ବାରରେ ଅଗ୍ନି ନିରାପତ୍ତା ବ୍ୟବସ୍ଥା ଥିଲା ନା ନାହିଁ ତାକୁ ନେଇ ପ୍ରଶ୍ନ ଉଠିଛି । 

ରାଜଧାନୀରେ ଜଳିଗଲା ବାର୍
ରାଜଧାନୀର ସତ୍ୟବିହାର ସ୍ଥିତ ବାରରେ ଭୟଙ୍କର ଅଗ୍ନିକାଣ୍ଡ
ହୁତୁ ହୁତୁ ହୋଇ ଜଳିଗଲା କୋଠାର ରୁଫ ଟପରେ ଥିବା ବାର
ଚାହୁଁ ଚାହୁଁ ବାରଟି ସଂପୂର୍ଣ୍ଣ ଜଳିଯାଇଛି 
ଘଣ୍ଟାଏ ପରିଶ୍ରମ ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ 
ଘଟଣା ସ୍ଥଳରେ ନିୟୋଜିତ ହୋଇଥିଲେ ୫ଟି ଦମକଳ ଗାଡ଼ି