Mini Train Derails at Yatra: ଯାତ୍ରାରେ ଲାଗିଥିବା ଟ୍ରେନ୍ ଦୋଳି ଛିଡ଼ିଗଲା, ଏକାଧିକ ଆହତଙ୍କୁ ମେଡ଼ିକାଲରେ ଭର୍ତ୍ତି

ଦୋଳି ଛିଡ଼ି ୪ ଆହତ। ଯାତ୍ରାରେ ଲାଗିଥିବା ଟ୍ରେନ୍ ଦୋଳି ଛିଡ଼ି ପଡ଼ିବାରୁ ଏକାଧିକ ଆହତ ହୋଇଛନ୍ତି। ଘଟଣା ଘଟିଛି, ଗଞ୍ଜାମ କବିସୂର୍ଯ୍ୟନଗର ଥାନା ଦେଓଗାଁ ଗାଁରେ। ମିଳିଥିବା ସୂଚନା ମୁତାବକ, ଗାଁରେ ଲାଗିଥିବା ଯାତ୍ରାରେ ଲାଗିଥିବା ମିନାବଜାର ଟ୍ରେନ ଦୋଳିର ଗୋଟିଏ ବଗି ଛିଣ୍ଡିଯାଇଛି।

ଦୁର୍ଘଟଣାରେ ଚାରିରୁ ଉର୍ଦ୍ଧ ଆହତ ଓ ଗୁରୁତର ହୋଇଛନ୍ତି। ସମସ୍ତଙ୍କୁ ପ୍ରଥମେ କୋଦଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଗୁରୁତରଙ୍କୁ ବ୍ରହ୍ମପୁର ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଇଛି। ଖବର ପାଇ କବିସୂର୍ଯ୍ୟନଗର ପୋଲିସ ପହଞ୍ଚି ତଦନ୍ତ ଚଳାଇଛି।