Ama Bus Catches Fire: ରାଜଧାନୀରେ ବଡ ଅଘଟଣ; ହୁତୁ ହୁତୁ ହୋଇ ଜଳିଲା ଆମ ବସ୍

ଜଳିଗଲା ଆମ ବସ। କଳିଙ୍ଗ ସ୍ଟୁଡିଓ ଛକରେ ଜଳିଗଲା ଆମ ବସ। କଳିଙ୍ଗ ଷ୍ଟୁଡ଼ିଓ ଛକ ପାଖ ବସ ଷ୍ଟପରେ ଛିଡ଼ା ହୋଇଥିବା ବେଳେ ହଠାତ ଧୂଆଁ ବାହାରିଥିଲା। ଧୂଆଁ ଦେଖି ଯାତ୍ରୀ ଭୟଭୀତ ହୋଇଯାଇଥିଲେ। 

ତୁରନ୍ତ ଗାଡ଼ିରେ ବସିଥିବା ସମସ୍ତ ଯାତ୍ରୀ ଗାଡ଼ିରୁ ବାହାରି ଆସିଥିଲେ। ପରେ ହୁ ହୁ ହୋଇ ଜଳିଗଲା ଆମ ବସ। ଘଟଣାସ୍ଥଳରେ ଭରତପୁର ଥାନା ପୋଲିସ ଏବଂ ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଥିଲେ। ସର୍ଟସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ପ୍ରାଥମିକ ତଦନ୍ତରୁ ଜଣା ପଡିଛି।

ମିଳିଥିବା ସୂଚନା ମୁତାବକ, ଆଜି ସକାଳ ୬ଟା ୩୦ରେ ପ୍ରଥମେ ବସ୍‌ର ବ୍ୟାଟେରୀରୁ ଧୂଆଁ ବାହାରିଥିଲା। ଡ୍ରାଇଭର ଜଣକ ଅଗ୍ନି ନିର୍ବାପକରେ ଲିଭାଇବା ପାଇଁ ଚେଷ୍ଟା କରିଥିଲେ। କିନ୍ତୁ ନିଆଁ ଲିଭି ନଥିଲା। ବସରେ ୫ରୁ ଅଧିକ ଯାତ୍ରୀ ଥିଲେ। ଧୂଆଁ ଦେଖି ଓହ୍ଲାଇ ପଡିଥିଲେ। ପରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ।