Bone-Chilling Cold Grips Odisha: ଶୀତ ଲହରି ପାଇଁ ୟେଲୋ ୱାର୍ଣ୍ଣିଂ, ଏବେ ମିଳିବନି ନିସ୍ତାର

ମାଘରେ ହାଡ଼ ଭାଙ୍ଗୁଛି ବାଘୁଆ ଜାଡ଼। ରାଜ୍ୟବାସୀଙ୍କୁ କଲବଲ କରୁଛି ଶୀତ। ଘରେ ବାହାରେ ଥଣ୍ଡା ମାଡ଼ରେ ଜନଜୀବନ ତ୍ରାହି ତ୍ରାହି ଡାକୁଛି। ଆହୁରି ୨ରୁ ୩ ଦିନ ଶୀତରୁ ନିସ୍ତାର ନାହିଁ। ଆଜି ପର୍ଯ୍ୟନ୍ତ ୬ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ। 

ଏସବୁ ଜିଲ୍ଲାଗୁଡ଼ିକ ହେଲା ଝାରସୁଗୁଡ଼ା, ସୁନ୍ଦରଗଡ଼, ଜଗତସିଂହପୁର, କଟକ, ଖୋର୍ଦ୍ଧା ଓ ଅନୁଗୁଳ। ସେହିପରି ଆସନ୍ତାକାଲି ପାଇଁ ସୁନ୍ଦରଗଡ଼, ଝାରସୁଗୁଡ଼ା ଓ ଅନୁଗୋଳକୁ ଶୀତ ନେଇ ୟେଲୋ ସତର୍କତା ଜାରି ହୋଇଛି। 

ପାଣିପାଗ ବିଭାଗ ପୂର୍ବାନୁମାନ କରିଛି ଆସନ୍ତା ୧୬ ତାରିଖ ପର୍ଯ୍ୟନ୍ତ ବର୍ଷା ନାହିଁ। ପାଗ ଶୁଖିଲା ରହିବ। ଆସନ୍ତା ୨ ଦିନ ପରେ ରାତି ତାପମାତ୍ରା ୨-୩ ଡିଗ୍ରୀ ସେଲସିୟସ୍ ଯାଏଁ ବଢ଼ିପାରେ।

ଶୀତ ଲହରି ପାଇଁ ୟେଲୋ ୱାର୍ଣ୍ଣିଂ
ଆହୁରି ୨ରୁ ୩ ଦିନ ଶୀତରୁ ମିଳିବନି ନିସ୍ତାର 
ଆଜି ୬ ଜିଲ୍ଲାକୁ ଜାରି ହେଲା ୟେଲୋ ୱାର୍ଣ୍ଣିଂ
ୟେଲୋ ୱାର୍ଣ୍ଣିଂ- ଝାରସୁଗୁଡ଼ା, ସୁନ୍ଦରଗଡ଼, ଜଗତସିଂହପୁର
ୟେଲୋ ୱାର୍ଣ୍ଣିଂ- କଟକ, ଖୋର୍ଦ୍ଧା ଓ ଅନୁଗୁଳ 
ଆସନ୍ତାକାଲି ପାଇଁ ୩ ଜିଲ୍ଲାକୁ ୟେଲୋ ୱାର୍ଣ୍ଣିଂ
୧୬ ତାରିଖ ପର୍ଯ୍ୟନ୍ତ ବର୍ଷା ନାହିଁ, ପାଗ ଶୁଖିଲା ରହିବ