Travel Tips: ନୂଆବର୍ଷ ପାଇଁ ହୋଟେଲ ବୁକ୍ କରୁଛନ୍ତି କି… ଥାଇପାରେ ହିଡେନ୍ କ୍ୟାମେରା, କିପରି ଜାଣିବେ

ଅନେକ ହୋଟେଲଗୁଡ଼ିକୁ ଆରାମ ଏବଂ ଗୋପନୀୟତାର ସ୍ଥାନ ଭାବନ୍ତି। ଲୋକମାନେ ପ୍ରାୟତଃ ହୋଟେଲ ରୁମ୍ ବୁକ୍ କରନ୍ତି ଏବଂ ସେମାନଙ୍କର ଛୁଟିଦିନ ଉପଭୋଗ କରିବା ପାଇଁ ସେଠାରେ ସମୟ କାଟନ୍ତି। କିନ୍ତୁ ବର୍ତ୍ତମାନ ସମୟରେ, ଅତିଥି ଭବନ ଏବଂ ହୋଟେଲଗୁଡ଼ିକରେ ଗୁପ୍ତ କ୍ୟାମେରା ବ୍ୟବହାର କରି ଲୋକଙ୍କ ବ୍ୟକ୍ତିଗତ ଭିଡିଓ ରେକର୍ଡ କରିବାର ଅନେକ ଘଟଣା ସାମ୍ନାକୁ ଆସିଛି। ଅନେକ କ୍ଷେତ୍ରରେ, ଦମ୍ପତି କିମ୍ବା ଅବିବାହିତ ଅତିଥିମାନଙ୍କୁ ସେମାନଙ୍କ ବ୍ୟକ୍ତିଗତ ମୁହୂର୍ତ୍ତଗୁଡ଼ିକୁ ରେକର୍ଡ କରି ବ୍ଲାକମେଲ୍ ମଧ୍ୟ କରାଯାଇଛି।

ପ୍ରଯୁକ୍ତିବିଦ୍ୟା ସହିତ, କ୍ୟାମେରାଗୁଡ଼ିକ ଅତ୍ୟନ୍ତ ଛୋଟ ହୋଇଗଲାଣି। ସେଗୁଡ଼ିକୁ ଲାଇଟ୍, ଘଣ୍ଟା, ଚାର୍ଜର, ମିରର, ସ୍ମୋକ୍ ଡିଟେକ୍ଟର କିମ୍ବା ସାଜସଜ୍ଜା ସାମଗ୍ରୀରେ ସହଜରେ ଲୁଚାଇ ରଖାଯାଇପାରୁଛି। କୌଣସି ହୋଟେଲକୁ ଅନ୍ଧ ଭାବରେ ବିଶ୍ୱାସ କରିବା ପରିବର୍ତ୍ତେ, କୋଠରୀରେ ପ୍ରବେଶ କରିବା ସମୟରେ କିଛି ଜିନିଷକୁ ଯାଞ୍ଚ କରିବା ନିହାତି ଜରୁରୀ। ଆସନ୍ତୁ ସେ ବିଷୟରେ ଜାଣିବା।

ରୁମରେ ପ୍ରବେଶ କରିବା ପରେ କ'ଣ କରିବେ:
ହୋଟେଲ ରୁମରେ ପହଞ୍ଚିବା ପରେ ତରବର ହେବା ଦରକାର ନାହିଁ। କିଛି ସମୟ ପାଇଁ ରୁମକୁ ଭଲଭାବେ ଯାଞ୍ଚ୍ କରନ୍ତୁ। ଯଦି କିଛି ଅସାଧାରଣ ଲାଗେ କିମ୍ବା ଏକ ଅଜବ ଲାଗେ, ତେବେ ଏହାକୁ ଅଣଦେଖା କରନରୁ ନାହିଁ। ବିଶେଷ କର୍ ଲାଇଟ୍ ଫିଟିଂ, କାନ୍ଥ ଫାଟ, ଡ୍ରେସିଂ ମିରର, ସ୍ମୋକ୍ ଡିଟେକ୍ଟର, ଟିଭି ୟୁନିଟ୍, ଫଟୋ ଫ୍ରେମ୍ ଏବଂ ଶୋପିସ୍ ପ୍ରତି ନଜର ପକାନ୍ତୁ।

ମୋବାଇଲ୍ ଫୋନ୍ ବ୍ୟବହାର କରି ଗୁପ୍ତ କ୍ୟାମେରା ଚିହ୍ନଟ:
ରୁମରେ ହିଡେନ୍ କ୍ୟାମେରା ଚିହ୍ନଟ କରିବାରେ ସ୍ମାର୍ଟଫୋନ୍ ସହାୟକ ହୋଇପାରେ। ରୁମ୍ ଭିତରକୁ ପ୍ରବେଶ କରିବା ପରେ, ମୋବାଇଲ୍ ଟର୍ଚ୍ଚ ଜଳାଇ ଘରର କୋଣ, ମିରର୍, ଫୁଲ କୁଣ୍ଡ, ଲାଇଟ୍, ପେଣ୍ଟିଂ ଏବଂ ସାଜସଜ୍ଜା ସାମଗ୍ରୀ ଉପରେ ପକାଇ ଦେଖନ୍ତୁ।

ୱାଇ-ଫାଇ ମଧ୍ୟ ସଙ୍କେତ ଦେଇପାରେ:
ଆଜିକାଲି ଅଧିକାଂଶ ହିଡେନ୍ କ୍ୟାମେରା ୱାଇ-ଫାଇ ସହିତ ସଂଯୁକ୍ତ। ଆପଣଙ୍କ ମୋବାଇଲ୍ ଫୋନରେ ୱାଇ-ଫାଇ ଚାଲୁ କରନ୍ତୁ ଏବଂ ଆସୁଥିବା ନେଟୱାର୍କଗୁଡ଼ିକର ତାଲିକା ଯାଞ୍ଚ କରନ୍ତୁ। ଯଦି CAM, IPCAM, କିମ୍ବା Device_XX ଭଳି ସନ୍ଦେହଜନକ ନାଁ ଦେଖାଯାଏ, ତେବେ ଏହା କୋଠରୀରେ ଥିବା ହିଡେନ କ୍ୟାମେରାକୁ  ସୂଚାଇପାରେ।

କ୍ୟାମେରା କେଉଁଠାରେ ଅଧିକାଂଶ ସମୟରେ ରଖାଯାଏ:
ସାଧାରଣତଃ କ୍ୟାମେରା ଏପରି ସ୍ଥାନରେ ଲଗାଯାଏ, ଯାହା ସମଗ୍ର ରୁମ୍‌କୁ କଭର କରିପାରିବ। ଯେପରିକି ବେଡ ଏବଂ ତା' ପଛରେ ଥିବା କାନ୍ଥ, ଟିଭି କିମ୍ବା ଟିଭି ୟୁନିଟ୍ ସାମ୍ନାରେ, ସୋଫା ଏରିଆ, ବାଥରୁମ୍ ମିରର୍, ୱାଶ୍ ବେସିନ୍ ପାଖ, ଚାର୍ଜିଂ ପଏଣ୍ଟ, ରିମୋଟ୍, ଏସି କିମ୍ବା ଅନ୍ୟାନ୍ୟ ଇଲେକ୍ଟ୍ରୋନିକ୍ ଉପକରଣ ହୋଇପାରେ।

ଡିଟେକ୍ଟର ଏବଂ ଆପ୍ସ ମଧ୍ୟ ସାହାଯ୍ୟ କରିପାରେ:
ଯଦି ଆପଣ ଅଧିକାଂଶ ସମୟ ଟ୍ରାବେଲ୍ କରୁଛନ୍ତି, ତେବେ Spy Camera Detector ଭଳି ଡିଭାଇସ୍ ଲାଭଦାୟକ ହୋଇପାରେ। ଏଗୁଡ଼ିକ ଶସ୍ତା ଏବଂ ଅନ୍‌ଲାଇନ୍‌ରେ ସହଜରେ ଉପଲବ୍ଧ। ଏହା ବ୍ୟତୀତ, Radarbot କିମ୍ବା Detectify ଭଳି ମୋବାଇଲ୍ ଆପ୍ ମଧ୍ୟ ରୁମ୍ ସ୍କାନିଂ ଏବଂ ରେକର୍ଡିଂ ଡିଭାଇସ୍ ଚିହ୍ନଟ କରିବାରେ ସାହାଯ୍ୟ କରେ।