୨୪ ନିର୍ବାଚନରେ ନିର୍ଣ୍ଣାୟକ ହେବ ମହିଳା ଭୋଟ୍ ! ଭୁଶୁଡ଼ିବ ବିଜେଡି ମହିଳା ଗଡ଼ ?

୨୪ ନିର୍ବାଚନୀ ବୈତରଣୀ ପାରି ହେବାକୁ ମହିଳାଙ୍କ ଉପରେ ଭରସା । ମହିଳା ଭୋଟକୁ ମଜଭୁତ ପାଇଁ କେନ୍ଦ୍ରରେ ବିଜେପି ବଡ଼ କାର୍ଡ ଖେଳି ମହିଳା ସଂରକ୍ଷଣ ବିଲ୍ ପାସ୍ କରିଛି । କେବଳ ଏତିକି ନୁହେଁ, ମହିଳାଙ୍କ ସହିତ ବିଜେପି ରହିଛି ବୋଲି ବାର୍ତ୍ତା ଦେବା ପାଇଁ ବଡ଼ କ୍ୟାମ୍ପେନ ପାଇଁ ବି ଯୋଜନା କରୁଛି । ପରିଣାମ ସ୍ୱରୂପ, ଏହି ନିଷ୍ପତ୍ତି ଦ୍ୱାରା ବିଜେଡି ନିର୍ଭର କରୁଥିବା ମହିଳା ଭୋଟବ୍ୟାଙ୍କ ପ୍ରଭାବିତ ହୋଇପାରେ ବୋଲି ଚର୍ଚ୍ଚା ହେଉଛି । ଏହି ଚର୍ଚ୍ଚା ଆଲୋଚନା ଭିତରେ ୩ ପ୍ରମୁଖ ଦଳ ଭିତରେ ଜୋର ଧରିଛି ରାଜନୈତିକ ବୟାନବାଜି ।