ବୁଝାପଡୁନି ବିଜେଡିର ‘B’ ପଲିଟିକ୍ସ; ଅଶ୍ୱିନୀଙ୍କୁ ଦେଲା ସମର୍ଥନ, ନାମାଙ୍କନ ବେଳେ ଆସିଲେନି

ରାଜ୍ୟସଭା ନିର୍ବାଚନ ଲାଗି ନାମାଙ୍କନ ଦାଖଲ କଲେ ଅଶ୍ବିନୀ ବୈଷ୍ଣବ। ହେଲେ ଆସିଲାନି ବିଜେଡି। ଏପଟେ ବିଜେଡି ସମର୍ଥନ ପରେ ବି ଧନ୍ୟବାଦ ଦେଲେନି ରେଳ ମନ୍ତ୍ରୀ। ୨୦୧୯ର ଚିତ୍ର ୨୪ରେ ବଦଳିଗଲା। ୧୯ରେ ଅଶ୍ୱିନୀଙ୍କ ନାମାଙ୍କନ ବେଳେ ଉଭୟ ବିଜେଡି ଓ ବିଜେପି ନେତା ଉପସ୍ଥିତ ଥିଲେ। ଏଥର କିନ୍ତୁ ଥିଲେ କେବଳ ବିଜେପି ନେତା। ରାଜ୍ୟ ସଭାପତି ମନମୋହନ ସାମଲ ଓ ୧୩ ବିଧାୟକଙ୍କ ଉପସ୍ଥିତିରେ ରିଟର୍ଣ୍ଣିଂ ଅଫିସରଙ୍କ ନିକଟରେ ଦୁଇ ସେଟ୍ ପ୍ରାର୍ଥିପତ୍ର ଦାଖଲ କରିଛନ୍ତି ବୈଷ୍ଣବ। ପ୍ରାର୍ଥିପତ୍ର ଦାଖଲ କରିବା ପରେ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ ଦେଇଛନ୍ତି।