ଥିଲାବାଲାଙ୍କୁ ଜାଗା ମିଶନରେ ମିଳିଛି ପଟ୍ଟା

ବିଜେଡି ସରକାର ଅମଳରେ ଆଗରୁ ଜାଗା ମିଶନରେ ଚଞ୍ଚକତା କରି ପଶିଥିଲେ ଅଯୋଗ୍ୟ ହିତାଧିକାରୀ। ଆଉ ଏବେ ସହରାଞ୍ଚଳ ବସ୍ତି ବାସିନ୍ଦାଙ୍କ ପାଇଁ କେନ୍ଦ୍ର ସରକାର ଆଣୁଥିବା ପ୍ରଧାନମନ୍ତ୍ରୀ ଆବାସରେ ମଧ୍ୟ ସାମିଲ ହେବାକୁ ଚଞ୍ଚକତା କରୁଛନ୍ତି କିଛି ଅଯୋଗ୍ୟ ହିତାଧିକାରୀ। ରାଜ୍ୟର ଅନ୍ୟ ସହର ଛାଡ଼ନ୍ତୁ, ଖୋଦ ରାଜଧାନୀ ଭୁବନେଶ୍ୱରରେ ସାମ୍ନାକୁ ଆସିଛି ଏଭଳି କେଳେଙ୍କାରୀ। ଯାହାକୁ ନେଇ ବିଏମସିର ୪୯ ନମ୍ବର ୱାର୍ଡ ଫୁଲେଶ୍ୱରୀ ବସ୍ତି ବାସିନ୍ଦାଙ୍କ ମଧ୍ୟରେ ତେଜିଛି ଅସନ୍ତୋଷ।