ବିଜେଡି ଖେଳିଲା ମହିଳା କାର୍ଡ; ବାଚସ୍ପତି ହେବେ ପ୍ରମିଳା

ପୁଣି ମହିଳା କାର୍ଡ ଖେଳିଲା ବିଜେଡି । ମନ୍ତ୍ରୀ ପଦରୁ କାଢି ପ୍ରମିଳା ମଲ୍ଲିକଙ୍କୁ ବାଚସ୍ପତି ପ୍ରାର୍ଥୀ କରିବା ପରେ ରାଜ୍ୟ ରାଜନୀତିରେ ଏହି ଚର୍ଚ୍ଚା ଜୋର । ମହିଳା ସଂରକ୍ଷଣ ବିଲ୍ ଲୋକସଭାରେ ପାସ୍ ହେବାପରେ କାଳେ ବିଜେପି ଆଡେ ମହିଳା ଭୋଟ ଚାଲିଯିବ ସେଇ ଭୟରେ ଦଳ ମହିଳା କାର୍ଡ ଖେଳୁଥିବା କୁହଯାଉଛି । ୨୦୨୪ରେ ମହିଳା ସଂରକ୍ଷଣ ବିଲ୍ ଲାଗୁ କରାଯାଉ ବୋଲି ବିଜେଡି ଦାବି କରିଛି । ତେଣୁ କେନ୍ଦ୍ର ଲାଗୁ ନ କଲେ ବି ଦଳୀୟ ଭିତ୍ତିରେ ବିଜେଡି ୩୩ ପ୍ରତିଶତ ଟିକଟ୍ ବିଧାନସଭା ନିର୍ବାଚନରେ ଦେଉ ବୋଲି ଆହ୍ୱାନ ଦେଇଛନ୍ତି ବିରୋଧୀ ।