ହୋଲି ବାହାନାରେ ନିର୍ବାଚନ ପାର୍‌ ପାଇଁ ତିନି ଦଳର ପ୍ରସ୍ତୁତି

ହୋଲି ବାହାନା । ହେଲେ ଲକ୍ଷ୍ୟ ୨୪ । ଆସନ୍ତାବର୍ଷ ଏତେବେଳକୁ ନିର୍ବାଚନୀ ତାତିରେ ଟକ ଟକ ଫୁଟିବାକୁ ଥିବା ରାଜନୀତି ପାଇଁ ଏଇ ହୋଲିରୁ ପ୍ରସ୍ତୁତି ଆରମ୍ଭ କରି ଦେଇଛନ୍ତି ରାଜ୍ୟର ତିନି ପ୍ରମୁଖ ଦଳ । ପ୍ରଧାନମନ୍ତ୍ରୀ ମୋଦିଙ୍କ ଜନ ହିତକର କାମକୁ ଆଧାର କରି ବିଜେପି ଓଡ଼ିଶାରେ କ୍ଷମତାକୁ ଆସିବ ବୋଲି ଦୃଢ଼ ଆଶା ରଖିଥିବା ବେଳେ ଶାସକ ବିଜେଡି ଷଷ୍ଠଥର ରାଜ୍ୟର ଭାଗ୍ୟ ଡୋରି ହାତକୁ ନେବା ପ୍ରୟାସରେ । ସେପଟେ ଉଭୟ ଦଳର ବିକଳ୍ପ ଭାବେ ଲୋକେ ତାଙ୍କ ଦଳକୁ ହିଁ ଭରସା କରିବେ ବୋଲି କହିଛି କଂଗ୍ରେସ ।