ବିଧାନସଭାରେ ମହିଳା ବାଚସ୍ପତିଙ୍କୁ ଘେରାବନ୍ଦୀ ପାଇଁ ଉଦ୍ୟମ କଲେ ବିରୋଧୀ ବିଧାୟକ

ଗଣତନ୍ତ୍ରର ମନ୍ଦିର ରାଜ୍ୟ ବିଧାନସଭା । ପ୍ରଶ୍ନକାଳ ଆରମ୍ଭ ହେଉ ହେଉ ଗୃହରେ ଆଜି ଦେଖିବାକୁ ମିଳିଥିଲା ବିଶୃଙ୍ଖଳିତ ଚିତ୍ର । ଚିକିଟି ମଦ ମୃତ୍ୟୁ ଘଟଣାରେ ଅବକାରୀ ମନ୍ତ୍ରୀଙ୍କ ଇସ୍ତଫା ଦାବି କରି ବିରୋଧୀ ବିଜେଡି ଓ କଂଗ୍ରେସ ଗୃହ ମଧ୍ୟଭାଗକୁ ଆସି ହଙ୍ଗାମା କରିଥିଲେ । ପୋଡିଅମ ତଳେ ନାରାବାଜିରେ ମନ ପୂରିଲା ନାହିଁ । ଗୃହର ମର୍ଯାଦାକୁ ଦଳି ମକଚି ମହିଳା ବାଚସ୍ପତି ସୁରମା ପାଢୀଙ୍କ ପୋଡିଅମ ଉପରକୁ ଚଢିବାକୁ କେମିତି ଉଦ୍ୟମ କରୁଥିଲେ ବିଜେଡିର ଦୁଇ ବିଧାୟକ ରୋମାଞ୍ଚ ରଂଜନ ବିଶ୍ବାଳ ଓ ମାଧବ ଧଡା । ତାଙ୍କୁ ଚଢ଼ିବାରେ ସାହାଯ୍ୟ କରୁଛନ୍ତି ତଳେ ଥିବା ବିଧାୟକମାନେ ।