ଆଇଟି ରେଡ୍‌; ମୁଖ୍ୟମନ୍ତ୍ରୀଙ୍କୁ ବିଜେପିର ସିଧା ନିଶାନା

କିଏ କହୁଛି ୨ ଶହ କୋଟି, କାହାର ଆକଳନ ୫ ଶହ କୋଟି । ରାଜ୍ୟର ଦେଶୀ ମଦଭାଟି ଉପରେ ଆଇଟି ରେଡରୁ ପ୍ରଥମ କରି ଏମିତି ଟଙ୍କାର ପାହାଡ଼ ଠାବ ହେବାକୁ ନେଇ ସାରା ଦେଶରେ ଚହଳ, ହୁଲସ୍ତୁଲ ରାଜ୍ୟ ରାଜନୀତି । ରାଜ୍ୟ ବିଜେପିର ସିଧା ନିଶାନାରେ ନବୀନ ସରକାର । ଏତେ କଳା ଟଙ୍କା ବାବଦରେ ରାଜ୍ୟ ସରକାରଙ୍କ ପାଖରେ କେମିତି ଖବର ନଥିଲା ? ନା ମିଳିମିଶି କାରବାର ଚାଲିଥିଲା ? ଏକ୍ସାଇଜ୍, ପୋଲିସ୍ ଟିମ୍ କଣ କରୁଥିଲା ? ବିଜେଡି ନେତା ଓ ମନ୍ତ୍ରୀଙ୍କ ସଂପୃକ୍ତ ନାହିଁ ତ ଭଳି ପ୍ରଶ୍ନବାଣରେ ଛନ୍ଦି ରାଜ୍ୟ ବିଜେପି ସଭାପତି, ମୁଖ୍ୟମନ୍ତ୍ରୀଙ୍କ ସତସାହସ ଥିଲେ ସିବିଆଇ ତଦନ୍ତ ପାଇଁ ଲେଖନ୍ତୁ ବୋଲି ସିଧା ଚ୍ୟାଲେଞ୍ଜ୍ କରିଛନ୍ତି । ଯାହାର ଜବାବ ରଖିଛି ବିଜେଡି ।