Last updated: 12 March 2025, 10:00 PM IST
ଖୋଲୁଛି ବିଜେଡି ନେତା ସୌମ୍ୟଶଙ୍କର ଓରଫ୍ ରାଜା ଚକ୍ରଙ୍କ ମହାଦୁର୍ନୀତିର ମହାଗୁମର। ଲୋଡିଂ ଏଜେନସି ଜରିଆରେ ତତ୍କାଳୀନ ବିଜେଡି ସରକାର ଓ ପ୍ରଶାସନିକ କଳର ଛତ୍ରଛାୟାରେ କେମିତି ଚଳାଇଥିଲେ ଦୁର୍ନୀତିର ବିରାଟ ସାମ୍ରାଜ୍ୟ, ଓଟିଭି ହାତରେ ଲାଗିଥିବା ଅଡିଟ୍ ରିପୋର୍ଟରୁ ମିଳିଛି ବଡ଼ ସୁରାକ୍।ଖାଲି ଏତିକି ନୁହେଁ, ରାଜାଙ୍କ କଳା ସାମ୍ରାଜ୍ୟରେ କେମିତି ମଧ୍ୟସ୍ଥି ସାଜିଥିଲେ ତତ୍କାଳୀନ କେନ୍ଦୁଝର ଏସପି ଓ ଜିଲ୍ଲାପାଳ, ନୂଆ ଅଭିଯୋଗ ଆସିବା ପରେ ସେମାନଙ୍କୁ ମଧ୍ୟ ତଦନ୍ତ ପରିସରଭୁକ୍ତ ପାଇଁ ଦାବି ଉଠିଛି। ଏସବୁ ଭିତରେ ୯ ଦିନର ଲମ୍ବା ସମୟ ଧରି ଜାରି ରହିଥିବା ଏହି ରେଡ୍ରେ ଆଜି ୩ ଜାଗାରେ ଛାପା ମାରିଛନ୍ତି କ୍ରାଇମବ୍ରାଞ୍ଚ STF ଓ EOW।