ଖଣ୍ଡେ ବାଡି ସାହାଯ୍ୟରେ ସାପ ଧରୁଛନ୍ତି ଦମ୍ପତି

ଆଜବେଷ୍ଟସ୍ ସନ୍ଦିରେ ସାପର ସୁ ସୁ ଗର୍ଜନ। କିନ୍ତୁ ତାକୁ ଖାତିର ନକରି ଖଣ୍ଡେ ବାଡି ସାହାଯ୍ୟରେ ସାପ ଧରୁଛନ୍ତି ଏହି ଦମ୍ପତି । ଖୋର୍ଦ୍ଧା ବେଗୁନିଆ ବ୍ଲକ ମୁକ୍ତାପୁର ଗାଁର ବିପିନ ନାୟକ ଓ ପତ୍ନୀ ରିୟା। ସାଧାରଣତଃ ସାପ ନାଁ ଶୁଣିଲେ ଦେହ ଶୀତେଇ ଉଠୁଥିବା ବେଳେ ରିୟାଙ୍କ ପାଇଁ କିନ୍ତୁ ବିଷଧର ସାପଙ୍କୁ ଧରିବା ସତେ ଯେମିତି ପିଲାଖେଳ । ବାହାଘର ପରେ ସାପ ଧରିବାର କୌଶଳ ସେ ସ୍ୱାମୀଙ୍କଠୁ ଶିଖିଥିଲେ। ଏବେ ପ୍ରତିଦିନ କେଉଁଠି ନା କେଉଁଠିକୁ ଯାଇ ସାପ ଧରୁଛନ୍ତି। ରାତି ପାହିବାଠାରୁ ରାତି ହେବା ପର୍ଯ୍ୟନ୍ତ ଫୋନ୍ ଆସିବା ମାତ୍ରେ ପାଦରେ ଜୋତା ଏବଂ ହାତରେ ଖଣ୍ଡେ ବାଡି ଧରି ବାହାରି ପଡନ୍ତି ରିୟା।