ଜୀବନ ନେଇଗଲା ମୃତ୍ୟୁର ଯନ୍ତା ପକାଇଥିବା ବୋରୱେଲ୍ ଗାତ

୮୧ ବର୍ଷିୟା ବୃଦ୍ଧା । ୨୦ ଫୁଟର ଗର୍ତ୍ତ । ଘଣ୍ଟା ଘଣ୍ଟାର ସଂଘର୍ଷ । ଭିତରେ ଫସିଥିଲେ ମହିଳା, ବାହାରେ ଚାଲିଥିଲା ରେସ୍କ୍ୟୁ ଟିମର ଅପରେସନ୍ । ଜୀ ଜାନ୍ ଲଗାଇଦେଇଥିଲେ ଅଗ୍ନିଶମ ଏବଂ ଓଡ୍ରାଫ୍ ଟିମ୍ । ବୃଦ୍ଧାଙ୍କୁ ବଞ୍ଚାଇ ରଖିବା ପାଇଁ ପାଇପ୍ ଯୋଗେ ଅହରହ ପଠାଯାଉଥିଲା ଅମ୍ଲଜାନ । ମଝିରେ ମଝିରେ ଧୈର୍ଯ୍ୟ ଧରିବା ପାଇଁ ଗାତ ଭିତରକୁ ଡାକ ଛାଡୁଥିଲେ। ଆଉ ଏପଟେ ସମାନ୍ତରାଳ ଗାତ ଖୋଳାଯାଉଥିଲା ଜେସିବି ସହାୟତାରେ । କାରଣ ୨୦ ଫୁଟ ତଳେ ଫସିରହିଥିବା ଏହି ଗାତ ପଟୁ ସଂପୃକ୍ତ ବୃଦ୍ଧାଙ୍କୁ ଉଦ୍ଧାର କରିବା ଅସମ୍ଭବ। ତେଣୁ ସମାନ୍ତରାଳ ଗାତ ଖୋଳି ତାଙ୍କ ପାଖରେ ପହଞ୍ଚିବାକୁ ଉଦ୍ୟମ ଚଳାଇଥିଲା ରେସ୍କ୍ୟୁ ଟିମ୍ ।