By: Deviprasad Jena
Last updated: 31 March 2025, 10:45 PM IST
ମହାପ୍ରଭୁଙ୍କ ସେବା ପୂଜାରେ ବିଶୃଙ୍ଖଳା ହେଉ କି ଭକ୍ତଙ୍କୁ ଅଶୋଭନୀୟ ଆଚରଣ । ଜଗନ୍ନାଥ ମନ୍ଦିରରେ ବାରମ୍ବାର ଘଟୁଥିବା ଏଭଳି ଘଟଣାରେ ବ୍ରେକ୍ ଦେବାକୁ ଓ ବିଶୃଙ୍ଖଳିତ ସେବାୟତଙ୍କୁ ବାଟକୁ ଆଣିବାକୁ ଅଣ୍ଟା ଭିଡ଼ିଛି ଶ୍ରୀମନ୍ଦିର ପ୍ରଶାସନ । ଏଥିପାଇଁ ଆସନ୍ତା ୪ ଓ ୫ ଦୁଇ ଦିନ ଧରି ପ୍ରଥମ ଥର ଲାଗି ଆୟୋଜନ କରିବାକୁ ଯାଉଛି ଏକ ପ୍ରଶିକ୍ଷଣ ଶିବିର । ଯେଉଁଥିରେ ସବୁ ନିଯୋଗର ସେବାୟତଙ୍କ ସହ ପୁରୀ ପୋଲିସ୍ ଓ ଶ୍ରୀମନ୍ଦିର କର୍ମଚାରୀ ବି ସାମିଲ ହେବେ । ଏଭଳି ଶିବିର ନିଶ୍ଚେ ଭକ୍ତଙ୍କ ପ୍ରତି ସେବାୟତଙ୍କ ଆଚରଣରେ ପରିବର୍ତ୍ତନ ଆଣିବ ବୋଲି ଭକ୍ତ ଆଶା ରଖିଥିବାବେଳେ ସେବାୟତ ବି କହିଲେଣି ଏହା ଆମ ପାଇଁ ନିହାତି ଜରୁରୀ।