ସ୍ପିଡ୍ ବୋଟ୍ ଆକ୍ସିଡେଣ୍ଟ ପରେ ଚେତିଲା ପ୍ରଶାସନ

ପୁରୀ ସମୁଦ୍ରରେ ସ୍ପିଡ ବୋଟ୍‌ରେ କ୍ରିକେଟର ସୌରଭ ଗାଙ୍ଗୁଲିଙ୍କ ଭାଇ ଓ ଭାଉଜ ଓଲଟିବା ଘଟଣାରେ ଆକ୍ସନ ମୋଡ୍‌ରେ ପ୍ରଶାସନ। ଦୁର୍ଘଟଣାର କାରଣ ଜାଣିବାକୁ ଉପ-ଜିଲ୍ଲାପାଳଙ୍କ ଦ୍ବାରା ତଦନ୍ତ ଚାଲିଥିବାବେଳେ ଆଜି ବୋଟିଂ ସଂସ୍ଥା ସ୍କାଏ ଡ୍ରାଇଭ ଆଡଭେଞ୍ଚର କମ୍ପାନୀ ଅଫିସକୁ ଧୂଳିସାତ୍ କରିଛି ପୁରୀ ପୌରସଂସ୍ଥା । ଜିଲ୍ଲାପାଳ ବି ମାନିଛନ୍ତି ନିୟମ ଉଲ୍ଲଂଘନ ହୋଇଛି, ମାମଲା ରୁଜୁ ହେବ। ତେଣେ ଶନିବାର ନିଶ୍ଚିତ ମୃତ୍ୟୁରୁ ଅଳ୍ପକେ ବର୍ତ୍ତି ଯାଇଥିବା ସୌରଭ ଗାଙ୍ଗୁଲିଙ୍କ ଭାଇ ଓ ଭାଉଜଙ୍କ ମୁହଁରୁ ଛାତିଥରା କାହାଣୀ ଶୁଣିବା ପରେ ଏବେ ପର୍ଯ୍ୟଟକଙ୍କ ପ୍ରଶ୍ନ , କେତେ ସୁରକ୍ଷିତ ପୁରୀରେ ଦୁଃସାହସିକ ଜଳକ୍ରୀଡ଼ା ସାଙ୍ଗକୁ ସମୁଦ୍ର ସ୍ନାନ ।