Last updated: 07 December 2024, 11:06 PM IST
ଗତକାଲି ମୁଖ୍ୟମନ୍ତ୍ରୀ, ଓଡ଼ିଶା ସାର୍ବଜନୀନ ପରୀକ୍ଷା ବିଲ୍ ବିଧାନସଭାରେ ଆଗତ କରି ଯେଉଁ ବିବୃତି ରଖିଲେ ତାହା ନବୀନ ସରକାରର ଗୁମର ଖୋଲି ଦେଇଛି । ମୁଖ୍ୟମନ୍ତ୍ରୀ ମୋହନ ମାଝୀ କହିଥିଲେ, ୨୫ରୁ ୩୦ ଲକ୍ଷ ଟଙ୍କାରେ ASO ଚାକିରି ବିକ୍ରି ହୋଇଥିଲା । ଏହି ବିବୃତି ପରେ ଆଜି ବିଧାନସଭାରେ ପ୍ରବଳ ହଟ୍ଟଗୋଳ କରିଥିଲା ବିଜେଡି । ପ୍ରଶ୍ନକାଳ ଆରମ୍ଭରୁ ଗୃହ ମଧ୍ୟଭାଗକୁ ବିଜେଡି ବିଧାୟକମାନେ ଆସି ନାରାବାଜି କରିଥିଲେ । ଯଦି ASO ଚାକିରି ବିକ୍ରି ହୋଇଛି ତାହେଲେ ସରକାର ଗଠନକୁ ୬ ମାସ ବିତିଲାଣି, କି ପଦକ୍ଷେପମାନ ନେଇଛନ୍ତି ମୁଖ୍ୟମନ୍ତ୍ରୀ ପ୍ରମାଣ ଦେଇ ସ୍ପଷ୍ଟ କରନ୍ତୁ ବୋଲି ବିଜେଡି ଦାବି କରିଛି । କଂଗ୍ରେସ ମଧ୍ୟ ବିଜେଡି ସହ ସ୍ବର ମିଶାଇଛି । ସେପଟେ ବିଜେପି କହିଛି ଶିକ୍ଷାକୁ ବ୍ୟବସାୟ କରି କିଛି ବଣିକ, ବିଜେଡି ସରକାରର ଛତ୍ରଛାୟାରେ ଚାକିରି ବିକ୍ରି କରୁଥିଲେ । ଏପରିକି ଆଶାୟୀ UPI ଜରିଆରେ ଚାକିରି ପାଇଁ ଟଙ୍କା ଦେଇଥିବା ସାଂଘାତିକ ଅଭିଯୋଗ କରିଛି ବିଜେପି ।