ବୌଦ୍ଧ ଦେଖିବ ରେଳ ଆଲୁଅ

ରାଜ୍ୟର ସବୁଠୁ ବଡ଼ ଟନେଲ ଭିତର ଦେଇ ବୌଦ୍ଧକୁ ଗଡ଼ିବ ରେଳଗାଡ଼ି। ନୟାଗଡ଼ ଡେଇଁଲେ ଖୋର୍ଦ୍ଧା-ବଲାଙ୍ଗୀର ରେଳପଥରେ ଆହୁରି ଆକର୍ଷଣୀୟ ହେବ ରେଳ ଯାତ୍ରା। କାରଣ ଦଶପଲ୍ଲାରୁ ବୌଦ୍ଧ ପର୍ଯ୍ୟନ୍ତ ୭ଟି ଟନେଲ ଦେଇ ଯିବ ଟ୍ରେନ। କେବଳ ବୌଦ୍ଧ ଜିଲ୍ଲାରେ ନିର୍ମାଣାଧୀନ ସମସ୍ତ ୪ଟି ଟନେଲ କାମ ଶେଷ ପର୍ଯ୍ୟାୟରେ ଥିବା ବେଳେ ୩ଟି ଟନେଲରେ ଉଭୟ ପାଖକୁ ବାଟ ବି ଫିଟିସାରିଲାଣି । ଏପଟେ ଏହା ଭିତରେ ଜିଲ୍ଲାରେ ଟ୍ରେନ ଚଳାଚଳର ଟ୍ରାଏଲ ରନ୍ ସରିଥିବା ବେଳେ ସୁରକ୍ଷା ବ୍ୟବସ୍ଥାର ଅନୁଧ୍ୟାନ ବି ସରିଛି।