ଅଚ୍ୟୁତ ସାମନ୍ତଙ୍କୁ ଲାଗିଲା NHRC ଛାଟ!

ବଢ଼ିଲା କିଟ୍ ଅଡ଼ୁଆ। ପ୍ରତିଷ୍ଠାତା ଅଚ୍ୟୁତ ସାମନ୍ତଙ୍କୁ ଲାଗିଲା NHRC ଛାଟ! ନେପାଳୀ ଛାତ୍ରୀ ଆତ୍ମହତ୍ୟା ଘଟଣାର ସରଜମିନ ତଦନ୍ତ କରିବେ ଜାତୀୟ ମାନବାଧିକାର କମିଶନ। ଏକାଧିକ ପିଟିସନ ଦାଖଲ ପରେ ଘଟଣାର ପୁଙ୍ଖାନୁପୁଙ୍ଖ ତଦନ୍ତ ଲାଗି ଡିଜି ଇନ୍‌ଭେଷ୍ଟିଗେସନ ଓ ଲ’ ରେଜିଷ୍ଟ୍ରାରଙ୍କୁ NHRCଙ୍କ ନିର୍ଦ୍ଦେଶ। NHRC ଇନଭେଷ୍ଟିଗେସନ ବିଭାଗର ଜଣେ SSP ରାଙ୍କ ଅଧିକାରୀଙ୍କ ସମେତ ୩ ଜଣିଆ ଟିମ୍ ଘଟଣାସ୍ଥଳକୁ ଯାଇ ତଦନ୍ତ କରିବାକୁ କୁହାଯାଇଛି। ସମସ୍ତ ଘଟଣାର ଯାଞ୍ଚ ସାରି ମାର୍ଚ୍ଚ ୧୦ ସୁଦ୍ଧା ରିପୋର୍ଟ ଦାଖଲ ପାଇଁ ନିର୍ଦ୍ଦେଶ ଦେଇଛନ୍ତି NHRC।