ଚିକିତ୍ସା ପାଇଁ ମୁମ୍ବାଇ ଗଲେ ବିରୋଧୀଦଳ ନେତା ନବୀନ ପଟ୍ଟନାୟକ

ଚିକିତ୍ସା ପାଇଁ ମୁମ୍ବାଇ ଗଲେ ବିରୋଧୀଦଳ ନେତା ନବୀନ ପଟ୍ଟନାୟକ। ମୁମ୍ବାଇସ୍ଥିତ କୋକିଳାବେନ୍ ଧୀରୁଭାଇ ଅମ୍ବାନୀ ହସପିଟାଲରେ ଦୁଇ ଦିନ ପରେ ତାଙ୍କର ସର୍ଭିକାଲ ଆଥ୍ରାଇଟିସର ଅସ୍ତ୍ରୋପଚାର ହେବ ବୋଲି ବିଜେଡି ଦଳର ନେତା ସୂଚନା ଦେଇଛନ୍ତି। ତେବେ ୨୪ବର୍ଷ କ୍ଷମତାରେ ଥିବାବେଳେ ସବୁବେଳେ ନିଜ ସ୍ବାସ୍ଥ୍ୟଗତ ସମସ୍ୟାକୁ ଲୁଚାଇ ଆସୁଥିବା ନବୀନ ନିଜେ ଅସୁସ୍ଥ ଥିବା ସୋସିଆଲ୍ ମିଡିଆରେ ଦର୍ଶାଇବା ଓ ମୁମ୍ବାଇ ଯିବା ପୂର୍ବରୁ ତାଙ୍କ ଆଶୁ ଆରୋଗ୍ୟ କାମନା କରି ବିଦାୟ ଦେବାକୁ ନବୀନ ନିବାସରୁ ଏୟାରପୋର୍ଟ ଯାଏଁ ନେତା ଓ କର୍ମୀ ଭିଡ଼ ଲଗାଇବା, ସାଧାରଣରେ ସୃଷ୍ଟି କରିଛି ଗୁଞ୍ଜରଣ।