ଆଧାର ପାଇଁ ଲମ୍ବା ଲାଇନ୍‌

କାମାକ୍ଷାନଗରରୁ କୋରାପୁଟ, ଭଞ୍ଜନଗରରୁ ନୀଳଗିରି । କେଉଁଠି ଆଧାର ଅପଡେଟ୍ କରିବା ପାଇଁ ଜନସେବା କେନ୍ଦ୍ର ଆଗରେ ଠେଲାପେଲା ସ୍ଥିତି ତ’ କେଉଁଠି ସୂର୍ଯ୍ୟୋଦୟ ପୂର୍ବରୁ ଲାଇନରେ ଚପଲ ଆଉ ଛତା । କେଉଁଠି ଦିବ୍ୟାଙ୍ଗ ଛୁଆକୁ ଧରି ମାଆ ଲାଇନ ଲଗାଇଛି ତ’ ଆଉ କେଉଁଠି ରାତିଅଧରୁ ଜନସେବା କେନ୍ଦ୍ର ସାମ୍ନାରେ ଲୋକଙ୍କ ଧାଡ଼ି ଲମ୍ବୁଛି । ସୁଭଦ୍ରା ଯୋଜନାରେ ଆସନ୍ତାକାଲିଠୁ ଫର୍ମ ଦାଖଲ ପ୍ରକ୍ରିୟା ଆରମ୍ଭ ହେଉଥିବା ବେଳେ ଏଥିଲାଗି ଆଧାର ଅଥଣ୍ଟିକେସନ୍ ଦରକାର ହେଉଛି । ଆଉ ସେଥିପାଇଁ ଉଣା ଅଧିକ ସବୁ ସ୍ଥାନରେ ଏଇ ସମାନ ସ୍ଥିତି ।