ଇସ୍କନ ଧରାଇଦେଲା ଦିଦିଙ୍କ ମିଛ

ଇସ୍କନ ଧରାଇଲା, ଦୀଘାକୁ ଧାମ ଆଖ୍ୟା ଦେଇ ମୁହଁ ଭୁରୁଡ଼ି ମାରୁଥିବା ଦିଦିଙ୍କ ମିଛ । ଗଜପତି ମହାରାଜାଙ୍କ ଚିଠିର ଉତ୍ତର ଦେଇ ଇସ୍କନ ଲେଖିଛି- ଦୀଘାକୁ ଜଗନ୍ନାଥ ଧାମ ଭାବେ ନାମିତ କରାଯିବା ପଛରେ କେବଳ ପଶ୍ଚିମବଙ୍ଗ ସରକାର, ଆମର କୌଣସି ହାତ ନାହିଁ । ତେଣୁ ଧାମ ବିବାଦ ପ୍ରସଙ୍ଗରେ କେବଳ ମମତା ସରକାର ହିଁ ତଥ୍ୟ ଦେଇ ପାରିବେ । ଗୁରୁତ୍ବପୂର୍ଣ୍ଣ କଥା ହେଉଛି, ଶ୍ରୀମନ୍ଦିର ଦଇତାପତି ନିଯୋଗ ସଂପାଦକ ରାମକୃଷ୍ଣ ଦାସ ମହାପାତ୍ର ବା ରାଜେଶ ଦଇତାପତି ମଧ୍ୟ ଦୀଘା ମନ୍ଦିରର ଜଣେ ଟ୍ରଷ୍ଟି ବୋଲି ଚିଠିରୁ ସାମ୍ନାକୁ ଆସିଛି । ଏସବୁ ଭିତରେ ଆଜି ପୁରୀରେ ଆୟୋଜିତ ହୋଇଥିଲା ପୁରୀ ହିଁ ଜଗନ୍ନାଥ ଧାମ ଶୀର୍ଷକ ଆଲୋଚନାଚକ୍ର ।