ବିନା ଫିଟନେସରେ ଚାଲୁଛି ୪୬୦ଟି ସ୍କୁଲ ବସ୍

ରାଜଧାନୀ ଭୁବନେଶ୍ବରରେ ଏଭଳି ବିନା ଫିଟନେସରେ ୪୬୦ଟି ସ୍କୁଲ ବସ୍ ଚାଲିଥିବା ବିଧାନସଭାରେ ସୂଚନା ଦେଇଛନ୍ତି ପରିବହନ ମନ୍ତ୍ରୀ । ୨୦୨୪ ଡିସେମ୍ବର ୨୦ ତାରିଖରେ ରାଉରକେଲାରେ ଡିଭାଇଡର ଉପରେ ଚଢିଯାଇଥିଲା ସ୍କୁଲ୍ ବସ୍ ଅଳ୍ପକେ ବର୍ତ୍ତିଥିଲେ ପ୍ରାୟ ୫୦ ଜଣ ଛାତ୍ରଛାତ୍ରୀ । ୨୫ ଜୁନ୍ ୨୦୨୨ ଚୌଦ୍ୱାରରେ ବିଲ ଭିତରକୁ ଓଲଟି ଯାଇଥିଲା ସ୍କୁଲ୍ ବସ୍ । ଏଥିରେ ୭ ଜଣ ଛାତ୍ରଛାତ୍ରୀ ଆହତ ହୋଇଥିଲେ। ୧୨ ମାର୍ଚ୍ଚ ୨୦୨୫ ଗଞ୍ଜାମ ଦିଗପହଣ୍ଡିରେ ସ୍କୁଲ ବସ୍ ଟ୍ରାକ୍ଟରକୁ ଧକ୍କା ଦେଇଥିଲା । ଦୁର୍ଘଟଣାରେ ୪ ଛାତ୍ରଛାତ୍ରୀ ଆହତ ଏବଂ ଡ୍ରାଇଭର ଗୁରୁତର ହୋଇଥିଲେ ।