Last updated: 15 April 2025, 10:04 PM IST
ଓଡ଼ିଶାକୁ ଭିକାରୀ ମୁକ୍ତ କରିବାକୁ ବିଗତ ସରକାର ଅମଳରେ ଥିଲା ବିରାଟ ଯୋଜନା। ୮ ବର୍ଷ ତଳୁ ଅଭିଯାନ ବି ଆରମ୍ଭ ହୋଇଥିଲା, ହେଲେ ତାକୁ ଯେ ଆଖିଦୃଶିଆ ସଫଳତା ମିଳିଲାନି ତାର ପୃଷ୍ଠା ଓଲଟାଇଛି ରାଜଧାନୀରେ ଜଣେ ଦୃଷ୍ଟିବାଧିତ ଭିକ୍ଷୁକ ମହିଳାଙ୍କ ପୁଅ ଅପହରଣ ଘଟଣା। ରାଜ୍ୟରେ ୫ ହଜାରରୁ ଅଧିକ ଭିକ୍ଷୁକ ରହିଥିବା ବିଧାନସଭାରେ ଖୋଦ୍ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀ ସୂଚନା ଦେଇଥିବାବେଳେ ଆଗକୁ ସେମାନଙ୍କୁ ଥଇଥାନ ବ୍ୟବସ୍ଥା କରାଯିବ ବୋଲି ମନ୍ତ୍ରୀ କହିଛନ୍ତି।
