କାନାଡ଼ା ଖଲିସ୍ତାନୀ ଆତଙ୍କୀ ଆଡ୍ଡାରେ ହଡ଼କମ୍ପ; ଆତତାୟୀ ଗୁଳିରେ ଟଳୁଛନ୍ତି ମୋଷ୍ଟ ୱାଣ୍ଟେଡ୍

ଭାରତ-କାନାଡ଼ା, ଛତିଶ୍ କା ଆଙ୍କଡ଼ା ।ବିବାଦ ମୂଳରେ ଖଲିସ୍ତାନୀ ଆତଙ୍କୀ । କାନାଡ଼ାରେ ରହି ଭାରତ ବିରୋଧୀ ଷଡ଼ଯନ୍ତ୍ର ଚଳାଇଥିବା ଖଲିସ୍ତାନୀ ଆତଙ୍କୀ ହରଦୀପ ନିଜ୍ଜର ହତ୍ୟାକାଣ୍ଡକୁ ନେଇ ଉଭୟ ଦେଶ ମଧ୍ୟରେ ତିକ୍ତତା ବଢ଼ିଚାଲିଥିବା ବେଳେ, ଏବେ ଆଉ ଜଣେ ଭାରତୀୟ ମୋଷ୍ଟୱାଣ୍ଟେଡ୍ କ୍ରିମିନାଲ୍ ବି କାନାଡ଼ାରେ ଗ୍ୟାଙ୍ଗୱାରରେ ପ୍ରାଣ ହରାଇଛି । ଯାହାକି ବିବାଦକୁ ଆହୁରି ବଢ଼ାଇବ ବୋଲି ଆଶଙ୍କା କରାଯାଉଛି । ତେଣେ ଉଭୟ ଦେଶ ମଧ୍ୟରେ ଲାଗିଥିବା କୂଟନୈତିକ ଘମାସାନରେ ଏକ ନୂଆ ଫର୍ଦ୍ଦ ଯୋଡ଼ି, ଭାରତ କାନାଡ଼ା ପାଇଁ ଭିସା ମଞ୍ଜୁରୀ ପ୍ରକ୍ରିୟାକୁ ସ୍ଥଗିତ ରଖିଛି ।