Illegal Pakistani Citizens in India: ଅବୈଧ ଭିସାରେ ଭାରତରେ ଅଛନ୍ତି ମାଳ ମାଳ ପାକିସ୍ତାନୀ

କାହା ସ୍ବାମୀ ଭାରତୀୟ ତ ଆଉ କାହା ପତ୍ନୀ ପାକିସ୍ତାନୀ। କିଏ ପୁଣି ମୁସଲିମ୍ ତ ଆଉ କିଏ ପୁଣି ହିନ୍ଦୁ। ବୈବାହିକ ସଂପର୍କ ଭିତରେ ଓଡ଼ିଶା ମାଟିରେ ରହିଆସୁଛନ୍ତି ବର୍ଷ ବର୍ଷ ଧରି। ଭିସାରେ ଆସି ରହିଛନ୍ତି ପ୍ରାୟ ୧୨ ପାକ୍ ନାଗରିକ। କିନ୍ତୁ କାହାର ଭିସା ଅବଧି ସରିଗଲାଣି ତ ଆଉ କିଏ ଭାରତୀୟ ନାଗରିକତ୍ବ ପାଇଁ ଆବେଦନ କରି ବିଫଳ ହୋଇଛନ୍ତି। ସଂପର୍କର ଅଠାକାଠି ଭିତରେ ସେମାନଙ୍କ ପିଲାଛୁଆ ବି ବନିଗଲେଣି ଭାରତୀୟ ନାଗରିକ। ଏବେ ଭାରତ ଛାଡ଼ିବା ପାଇଁ ସଂପୃକ୍ତ ପାକ୍ ନାଗରିକଙ୍କୁ ନୋଟିସ୍ ପରେ କରିବେ ତ କ’ଣ କରିବେ, ଯିବେ ତ କୁଆଡ଼େ ଯିବେ, ଅକଲ ଗୁଡୁମ୍ ଅବସ୍ଥା।