By: Deviprasad Jena
Last updated: 23 April 2025, 11:11 PM IST
ପହଲଗାମ୍ ହମଲା ପରେ ହେବ କି ବାଲାକୋଟ୍ ଭଳି ଆଉ ଏକ ବଡ଼ ଏୟାର୍ ଷ୍ଟ୍ରାଇକ୍ ? ପ୍ରଧାନମନ୍ତ୍ରୀ ବିଦେଶ ଗସ୍ତ କାଣ୍ଟଛାଣ୍ଟ କରି ନୂଆଦିଲ୍ଲୀ ଫେରିଆସିବା, ହମଲା ପରେ ପରେ ଖୋଦ୍ ଗୃହମନ୍ତ୍ରୀ ଶାହ, ଶ୍ରୀନଗର ପରେ ସ୍ପଟ୍କୁ ଯାଇ ସ୍ଥିତି ସମୀକ୍ଷା କରିବା, ତା ସାଙ୍ଗକୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ୱାର୍ଣ୍ଣିଂ ପରେ ଚାଲିଛି ଏଭଳି ଜୋରଦାର ଚର୍ଚ୍ଚା । ଆତଙ୍କବାଦୀଙ୍କ ବର୍ବୋରୋଚିତ ହମଲା ପରେ ଏବେ ବଡ଼ ଆକ୍ସନ ଚାହୁଁଛି ସାରା ଦେଶ । ଘଟଣାରେ ଯିଏ ସଂପୃକ୍ତ ଓ ପରଦା ପଛରେ ଯିଏ ବି ଅଛି ତାକୁ ଛଡ଼ାଯିବନି ବୋଲି ତିନି ସେନା ମୁଖ୍ୟଙ୍କ ସହ ରୁଦ୍ଧଦ୍ବାର ମିଟିଂ ପରେ ରାଜନାଥଙ୍କ ଦେଶବାସୀଙ୍କୁ ପ୍ରତିଶ୍ରୁତି ପରେ ଛାନିଆ ହୋଇଛି ଇସଲାମାବାଦ ।
