Last updated: 09 July 2024, 10:11 AM IST
ଜଗନ୍ନାଥ ସାରା ଜଗତର ନାଥ । ସୁଦୂର ଟୋକିଓ ସହରରେ ଓଡିଶା କମୁନିଟି ଜାପାନର ସଦସ୍ୟମାନେ ଜାପାନୀ ଭକ୍ତଙ୍କ ସହ ମିଶି ବହୁତ ଧୁମଧାମରେ ପାଳନ କରୁଛନ୍ତି ରଥଯାତ୍ରା । ଏହି ରଥଯାତ୍ରାକୁ କିଛି ଓଡ଼ିଆ ଭାଇ ଭଉଣୀମାନେ ମିଶି ଜାପାନରେ ୧୭ ବର୍ଷ ପୂର୍ବରୁ ଆରମ୍ଭ କରିଥିଲେ ।
ଜାପାନର ୟୋକହାମାରେ ଥିବା ଜଗନ୍ନାଥ ମନ୍ଦିରରୁ ଚତୁର୍ଦ୍ଧା ମୂର୍ତ୍ତିଙ୍କୁ ରୀତି ନୀତି ଅନୁଯାୟୀ ପହଣ୍ଡି କରାଯାଇଥିଲା । ପରେ ରଥରେ ଶ୍ରୀଜିଉମାନେ ରଥାରୁଢ଼ ହେବା ପରେ ସହସ୍ରାଧିକ ଭକ୍ତ ରଥକୁ ଟାଣିନେଇଥିଲେ । ଏହା ପରେ ଜାପାନୀ କଳାକାରମାନଙ୍କ ଦ୍ୱାରା ପରିବେଷଣ ହେଇଥିବା ଭାଙ୍ଗଡା ନାଚଠୁ ଆରମ୍ଭ କରି ଓଡିଶୀ ନୃତ୍ୟ ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲା । ଓଡିଶା କମୁନିଟି ଜାପାନର ଓଡ଼ିଆ ପରିବାରମାନେ ଏହି ରଥଯାତ୍ରାର ଆୟୋଜନ କରିଥିଲେ ।