'ଭାଇ ଭାଇ' ମୂର୍ତ୍ତି ଚୋରି ଗ୍ୟାଙ୍ଗ

ମନ୍ଦିରକୁ ପୂଜକ ହେଇ ଆସୁଥିଲେ । ଯେଉଁ ଠାକୁରଙ୍କୁ ପୂଜା କରୁଥିଲେ, ତାଙ୍କୁ ଲୁଟୁଥିଲେ । ଦିଅଁ ଖାଇ ଖଟୁଲି ଖାଇଲା ଭଳି । ପୂରା ମନ୍ଦିରରେ କଳକନା ବୁଲେଇ ଫେରାର ମାରୁଥିଲେ । ରାମକୃଷ୍ଣ, ହନୁମାନ, ବଡ଼ବଡ଼ ଅଷ୍ଟଧାତୁ ନିର୍ମିତ ନାଗ ଭଳି ବହୁ ପ୍ରାଚୀନ ମୂର୍ତ୍ତି ସହ ତ୍ରିଶୁଳ, ଘଣ୍ଟ-ଘଣ୍ଟା, ଠାକୁରଙ୍କ ବିମାନ, ଦୁର୍ଲଭ ସୁନା ଅଳଙ୍କାର ଏମିତିକି ଠାକୁରଙ୍କ ଜାବତୀୟ ବାସନ-କୁସନ। କିଛି ବି ଛାଡୁନଥିଲେ। କିଛି ବି ରଖେଇ ଦେଉ ନଥିଲେ ମନ୍ଦିର ଲୁଟେରା ତିନିଭାଇ ଗ୍ୟାଙ୍ଗ୍। ଉଭୟ କମିଶନରେଟ ପୋଲିସ୍ ଓ ଜଗତସିଂହପୁର କବଜାରେ ଥିବା ସେହି କରିତକର୍ମା ତିନିଭାଇ ବରଦା, ଅନ୍ନଦା, ସାରଦା।