ଚିନ୍ତାରେ କିଶୋର ଆତ୍ମହତ୍ୟା; ପରୀକ୍ଷା ଚାପରେ ଝୁଲି ପଡ଼ୁଛନ୍ତି ଛାତ୍ରଛାତ୍ରୀ !

ପାଠ କିମ୍ବା ପରୀକ୍ଷା ଚାପ ହେଉ ଅଥବା ଅନ୍ୟ କୌଣସି କାରଣ। ଅସମୟରେ ଓ ଅକାଳରେ ଝଡ଼ିଯାଉଛି କଅଁଳ ଜୀବନ। ଚପଳମତି ପିଲାଟିଏ କିଶୋର ବୟସରେ ଯେ ଜୀବନ ହାରିଦେବ, ଭାବିଲେ କେବଳ ଅଭିଭାବକ କାହିଁକି, ପ୍ରତ୍ୟେକଙ୍କ ମନ ଓ ପ୍ରାଣ ଚହଲିଯାଉଛି। ଚଳିତ ମାଟ୍ରିକ ଏବଂ ଯୁକ୍ତଦୁଇ ପରୀକ୍ଷା ବେଳେ ବଲାଙ୍ଗିର, ଭଦ୍ରକ ଓ ବ୍ରହ୍ମପୁରରେ ୩ ଛାତ୍ରଙ୍କ ଆତ୍ମହତ୍ୟା, ଚାଞ୍ଚଲ୍ୟ ଖେଳାଇ ଦେଇଛି। ତେବେ କିଶୋର ବୟସରେ କାହିଁକି ବଢୁଛି ଆତ୍ମହତ୍ୟା ପ୍ରବଣତା ? କେମିତି ଏହାକୁ ରୋକାଯାଇପାରିବ ?