୩ କୋଟି ଟଙ୍କା ଲୁଟି ପୋଲିସ ଗାଡ଼ିକୁ ଲିଫ୍ଟ ମାଗୁଥିଲେ

ଗତ ଜାନୁଆରୀ ୩୦ ତାରିଖ କଳାହଣ୍ଡି ଧର୍ମଗଡ଼ ଠାରେ ଥିବା ଏକ ଦେଶୀ ମଦ ଭାଟିରେ ଡକାୟତି କରିଥିଲେ ଏହି ୮ଜଣ ଆନ୍ତରାଜ୍ୟ ଲୁଟେରା ଗ୍ୟାଙ୍ଗ। ଆଉ ଭାଟିରେ ଥିବା ସାଢ଼େ ୩ କୋଟିରୁ ଅଧିକ ନଗଦ ଟଙ୍କା ଲୁଟ୍ କରି ସେଠାରୁ ଫେରାର ହୋଇଯାଇଥିଲେ। ଖବର ପାଇ ପୋଲିସ ସେଠାକୁ ଆସୁଥିବା ବେଳେ ଏହି ଗ୍ୟାଙ୍ଗର ଦୁଇ ଜଣ ପୋଲିସ ଗାଡ଼ିକୁ ଲିଫ୍ଟ ମାଗିଥିଲେ। ଆଉ ପୋଲିସ ସେମାନଙ୍କୁ ଲିଫ୍ଟ ବି ଦେଇଥିଲେ। ହେଲେ ସେମାନଙ୍କ ଉପରେ ସନ୍ଦେହ କରି ପ୍ରଶ୍ନ ପଚାରିବାରୁ ଏମାନେ ସେ ଗ୍ୟାଙ୍ଗର ସଦସ୍ୟ ବୋଲି ମାନି ନେଇଥିଲେ।