ମଞ୍ଚେଶ୍ବର ମର୍ଡର ପଛର ରହସ୍ୟ କ’ଣ ?

ଟଙ୍କା, କର୍ମ ସଂସ୍ଥାନର ଚାପ ନା ପାରିବାରିକ ସମସ୍ୟା ? କେଉଁ କାରଣରୁ ମାନସିକ ସନ୍ତୁଳନ ହରାଇ ବାପାଙ୍କ ଛାତିରେ ଛୁରୀ ଭୁଶିଲା ପ୍ରଫେସର ପୁଅ ? ଗତକାଲି ଭୁବନେଶ୍ବର ମଞ୍ଚେଶ୍ବର ଥାନା ରଙ୍ଗମାଟିଆରେ ଘଟିଥିବା ଏ ହାଇପ୍ରୋଫାଇଲ ମର୍ଡର ପଛର ରହସ୍ୟକୁ ନେଇ ଚର୍ଚ୍ଚା-ଆଲୋଚନା ଭିତରେ ଆଜି କମିଶନରେଟ୍ ପୋଲିସ ସାମ୍ନାକୁ ଆଣିଛି ପୁଅର ହତ୍ୟା ମାନସିକତା ପଛର କିଛି ସମ୍ଭାବ୍ୟ କାରଣ । ଭୁବନେଶ୍ବର ଡିସିପି କହିଛନ୍ତି, ବ୍ୟାଙ୍କରୁ ପର୍ସୋନାଲ ଲୋନ୍ ଆଣି ଅତ୍ୟଧିକ ଋଣ ଚାପରେ ରହୁଥିଲେ ଅଭିଯୁକ୍ତ ଅନିରୁଦ୍ଧ ଚୌଧୁରୀ ।