ରାମ ଦରବାର ପ୍ରାଣ ପ୍ରତିଷ୍ଠା ସମ୍ପନ୍ନ

ଦିବ୍ୟ, ଭବ୍ୟ ଓ ଅଲୌକିକ । ଅଯୋଧ୍ୟା ମନ୍ଦିରରେ ରାମ ଲାଲାଙ୍କ ବାଳୁତ ବିଗ୍ରହ ବିରାଜମାନ ହେବାର ପ୍ରାୟ ଦେଢ଼ ବର୍ଷ ପରେ, ଆଜି ଅନୁଷ୍ଠିତ ହୋଇଛି ରାମ ଦରବାର ପ୍ରାଣ ପ୍ରତିଷ୍ଠା । ପ୍ରଭୁ ଶ୍ରୀରାମଚନ୍ଦ୍ରଙ୍କ ରାଜା ବେଶ ସହ ମାତା ସୀତା, ୩ ଅନୁଜ ଓ ପରମ ଭକ୍ତ ହନୁମାନଙ୍କୁ ଦେଖି କୃତାର୍ଥ ହେଉଛନ୍ତି ଶ୍ରଦ୍ଧାଳୁ। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ବରେ ଏହି ପବିତ୍ର ମହୋତ୍ସବ ଅନୁଷ୍ଠିତ ହୋଇଥିବା ବେଳେ, ରାମ ମନ୍ଦିର ପରିସରରେ ଆଉ ୮ଟି ମନ୍ଦିରରେ ମଧ୍ୟ ଆଜି ଦେବାଦେବୀଙ୍କର ପ୍ରାଣ ପ୍ରତିଷ୍ଠା ହୋଇଛି ।