ବାହାନଗା ଦୁର୍ଘଟଣା; ମୃତକଙ୍କୁ ଚିହ୍ନଟ ପାଇଁ ବିଜ୍ଞାପନ ଦେଲା ରେଳ ମନ୍ତ୍ରାଳୟ

ବାହାନଗା ରେଳ ଦୁର୍ଘଟଣାରେ ୧୬ ଦିନ ପରେ ବି ଏଯାଏଁ ଅନେକ ମୃତଦେହର ଦାବିଦାର କେହି ନାହିଁ । ତେଣୁ ସେଭଳି ମୃତଦେହ ଚିହ୍ନଟ ଲାଗି ସମ୍ପର୍କୀୟଙ୍କୁ ଡିଏନଏ ସାମ୍ପୁଲ ଦେବାକୁ ବିଜ୍ଞାପନ ମାଧ୍ୟମରେ ଅପିଲ କରିଛି ରେଳ ମନ୍ତ୍ରାଳୟ । ସେପଟେ ଏମସରେ ସଂରକ୍ଷିତ ଥିବା ୮୧ ମୃତଦେହ ଭିତରୁ ୧୫ ଜଣଙ୍କ ସମ୍ପର୍କୀୟ, ମୃତ ଆତ୍ମୀୟଙ୍କ ରେଳଯାତ୍ରା ସମ୍ପର୍କୀତ ପ୍ରମାଣ ଦେଇଥିବାରୁ ସେମାନଙ୍କ ଡିଏନଏ ରିପୋର୍ଟ ଅଗ୍ରାଧିକାର ଭିତ୍ତିରେ ଦେବାକୁ ଉଦ୍ୟମ ଆରମ୍ଭ ହୋଇଛି ।