Online Scam Shock: ପାର୍ସଲ ଖୋଲିଲେ, ହାର୍ଟ ଆଟାକ୍ ହେଲା...ମଗାଇଥିଲେ ଏହି ଦାମୀ ଜିନିଷ

ପାର୍ସଲ ଖୋଲିଲେ, ହାର୍ଟ ଆଟାକ୍ ହେଲା ।  ମଗାଇଥିଲେ ଦାମୀ ଜିନିଷ ଆସିଲା ଭଙ୍ଗାରୁଜା ଜିନିଷ । କ ଣ ଏମିତି ଥିଲା କି ପାର୍ସଲରେ ଯାହା ଦେଖି ବ୍ୟକ୍ତି ଜଣଙ୍କର ହାର୍ଟ ଆଟାକ ହେବାଭଳି ପରିସ୍ଥିତି ଆସିଲା ।

ବେଙ୍ଗାଲୁରୁର ଜଣେ ସଫ୍ଟୱେୟାର ଇଞ୍ଜିନିୟର ଅନଲାଇନରେ ଅର୍ଡର୍ କରିଥିଲେ ଲକ୍ଷାଧିକ ଟଙ୍କାର ଫୋନ୍ , କିନ୍ତୁ ଡେଲିଭରି ବକ୍ସ ଖୋଲିଲାବେଳକୁ ଯାହା ପାଇଲେ ତାକୁ ଦେଖି ଚମକି ପଡିଲେ ।  ଅର୍ଡର କରିଥିଲେ ୧ ଲକ୍ଷ ୮୭ ହଜାର ଟଙ୍କାର ଏକ ମହଙ୍ଗା ଫୋନ୍ ।  ଆଉ  ଏହାର ପେମେଣ୍ଟ କରିଦେଇଥିଲେ ମଧ୍ୟ । କିନ୍ତୁ ପାର୍ସଲ ଆସିଲା ଯାହା ଦେଖି ସେ ପୁରା ତାଜୁବ । ବକ୍ସ ଭିତରେ ଫୋନ୍ ନଥିଲା ଥିଲା କିଛି ଭଙ୍ଗାରୁଜା  ମାର୍ବଲ ଟାଇଲ୍ ।

ବ୍ୟକ୍ତି ଜଣଙ୍କ ଆମାଜନରୁ ପାଇଥିବା ପାର୍ସଲ ଖୋଲିଲେ । ଭିତରେ ଥିଲା Samsung Galaxy Z Fold7ର ବକ୍ସ, କିନ୍ତୁ ତାହା ଖୋଲିଲାବେଳକୁ ବାହାରିଲା  ଖଣ୍ଡ ବିଖଣ୍ଡିତ ଟାଇଲ୍ । କିନ୍ତୁ  ଇଂଜିନିୟର ଜଣଙ୍କ ପାର୍ସଲ ଖୋଲିବାବେଳକୁ ଭିଡିଓ ରେକର୍ଡ କରୁଥିଲେ  ଯେଉଁଥିପାଇଁ ସେ ବଞ୍ଚିଗଲେ ।

ଏହା ଦେଖି  ବ୍ୟକ୍ତି ଜଣଙ୍କ ତୁରନ୍ତ ନ୍ୟାଶନାଲ ସାଇବର କ୍ରାଇମ୍ ପୋର୍ଟାଲ୍ (NCRP)  ଏବଂ  ପାଖ ପୋଲିସ୍ ଷ୍ଟେସନରେ ରିପୋର୍ଟ କଲେ । ପୋଲିସ୍ FIR ରେଜିଷ୍ଟର କରି ତଦନ୍ତ ଆରମ୍ଭ କରିଛି।ଏହାପରେ ଆମାଜନରୁ ତାଙ୍କ ଟଙ୍କା ଫେରସ୍ତ ମିଳିଯାଇଛି ।

ଦଶର୍କବନ୍ଧୁ ଆମଜାନ୍ ତ ପଇସା ଫେରାଇଦେଲେ କିନ୍ତୁ ଗ୍ରାହକଙ୍କ ଭରସାକୁ ହରାଇଲା ନିଶ୍ଚିତ। ଏହି ଘଟଣାକୁ ଦେଖିଲେ ମନରେ ପ୍ରଶ୍ନ ଆସିବା ସ୍ବଭାବିକ ଏମିତି କାହିଁକ ଘଟୁଛି ? ପ୍ରତିଥର ଅନଲାଇନରୁ ଜିନିଷ ଅର୍ଡର  କଲେ ମନରେ ଡର ଆସେ ଠିକ ଜିନିଷ ଆସିବ ତ  । ତେଣୁ କରି ଅନଲାଇନ୍ ର ଆକର୍ଷଣୀୟ ଅଫରରେ ଫଶିଯାଆନ୍ତୁ ନାହିଁ ନହେଲେ ଏହିଭଳି ଠକାମୀର ଶିକାର ହୋଇପାରନ୍ତି । ତେଣୁ ସତର୍କ ରୁହନ୍ତୁ, ଏବଂ ମହଙ୍ଗା ଜିନିଷ  ଯଦି ଅର୍ଡର କରିଛନ୍ତି ତେବେ ଭିଡିଓ ପ୍ରୁଫ୍ ରଖନ୍ତୁ।

ଇ-କମର୍ସ ସାଇଟ୍ରୁ ସ୍ମାର୍ଟଫୋନ୍ କିମ୍ବା ମହଙ୍ଗା ଜିନିଷ ମଗାଇବା ପୁର୍ବରୁ ଦୁଇ ଥର ଭାବନ୍ତୁ  ଠିକ ଜିନିଷ ପାଇବେ ତ କିଛି ଅସୁବିଧା ହେବନି ତ । ଏହା ସହିତ ଅଫର ଓ ଡିସ୍କାଉଣ୍ଟର ଲୋଭରେ ଫସିଯାଆନ୍ତୁ ନାହିଁ ।  ଏହି ଜିନିଷ ବି  ଅଫଲାଇନରେ ମଧ୍ୟ ମିଳିଯାଏ।  ଆଉ ଅଫଲାଇନରେ ବକ୍ସ ଭିତରେ ଫୋନ୍ ମିଳିବାର ଗ୍ୟାରେଣ୍ଟି ଥାଏ।...