ପୁଣି ଦେବଭୂମି ଉତ୍ତରାଖଣ୍ଡର ସ୍ଥିତି ବିଗାଡ଼ିଛି ବାଦଲଫଟା ବର୍ଷା । ୨୦ରୁ ୨୫ ଘର ଧୋଇଯାଇଥିବା ବେଳେ, ୪୬ ଜଣଙ୍କ ଜୀବନ ଯାଇଛି ଏବଂ ପ୍ରାୟ ୧୦ ଜଣ ଏବେବି ନିଖୋଜ ଅଛନ୍ତି ।
ଦେବଭୂମିରେ ବାଦଲ ଫଟା ବର୍ଷା । ଏଯାଏଁ ଗଲାଣି ୪୬ ଜଣଙ୍କ ଜୀବନ । ଉତ୍ତରାଖଣ୍ଡରେ ବାଦଲ ଫଟା ବର୍ଷା ପରେ ଉଦ୍ଧାର କାର୍ଯ୍ୟ ଓ ରାସ୍ତା ସଫା ଜାରି ରହିଛି । ମେସିନ ସାହାଯ୍ୟରେ ନୈନିତାଲ ଜିଲ୍ଲାର ଜେଓଲିକୋଟ ରାସ୍ତାକୁ ସଫା କରାଯାଉଛି । ଭୂସ୍ଖଳନ ଯୋଗୁଁ ରାସ୍ତା ଉପରେ ପଡ଼ି ରହିଥିବା ବଡ଼ ବଡ଼ ପଥରକୁ ଭାଙ୍ଗି ସଫା କରାଯାଉଛି । ଏହାସହ ନୈନିତାଲ-କାଲାଢୁଙ୍ଗି ରାସ୍ତାକୁ ମଧ୍ୟ ସଫା କରି ଯାତାୟାତକୁ ସ୍ୱାଭାବିକ କରାଯାଇଛି ବୋଲି ଡିଜିପି ଅଶୋକ କୁମାର ସୂଚନା ଦେଇଛନ୍ତି ।
ଅଚାନକ ନଦୀରେ ପାଣି ବଢ଼ିଯିବାରୁ ଅନେକ ସ୍ଥାନରେ ଭୁସ୍ଖଳନ। ବଦ୍ରିନାଥ ହାଇୱେର ଲାମ୍ବାଡ଼ରେ ଫସି ଯାଇଥିଲା କାର୍। ଭୂସ୍ଖଳନ ଯୋଗୁଁ କାରଟି ରାସ୍ତା ତଳକୁ ଭାସି ଯାଇଥିଲା। ତେବେ ସୌଭାଗ୍ୟବଶତଃ କାର ଚାଳକ ସୁରକ୍ଷିତ ଉଦ୍ଧାର ହୋଇଛନ୍ତି। କାର୍କୁ ବି ସୁରକ୍ଷିତ ଭାବେ ବାହାର କରାଯାଇଛି।
LIVE TV
