India vs Pakistan to Clash: ପୁଣି ମୁହାଁମୁହିଁ ହେବେ ଭାରତ ପାକିସ୍ତାନ, ଦେଖିବାକୁ ମିଳିବ ରୋମାଞ୍ଚକର ମ୍ୟାଚ

ପୁଣି ରବିବାର ମୁହାଁମୁହିଁ ହେବେ ଭାରତ-ପାକିସ୍ତାନ । ଏସିଆ କପ୍ ଫାଇନାଲ ଟ୍ରଫି ପାଇଁ ଟକ୍କର କରିବେ ଦୁଇ ପାରମ୍ପରିକ ପ୍ରତିଦ୍ବନ୍ଦ୍ବୀ ଇଣ୍ଡିଆ-ପାକିସ୍ତାନ। ଗତକାଲି ମୁକାବିଲାରେ ବାଂଲାଦେଶକୁ ୧୧ ରନରେ ହରାଇ ପାକିସ୍ତାନ ଫାଇନାଲରେ ପ୍ରବେଶ କରିବା ପରେ ଭାରତ-ପାକିସ୍ତାନ ଫାଇନାଲ୍ ସ୍ପଷ୍ଟ ହୋଇଛି ।

ଆସନ୍ତା ୨୮ ତାରିଖ ରବିବାର ଫାଇନାଲ୍ ମ୍ୟାଚ୍ ଅନୁଷ୍ଠିତ ହେବ । ତେବେ ପ୍ରଥମ ଥର ପାଇଁ ଏସିଆ କପ୍ ଫାଇନାଲରେ ଉଭୟ ଦଳଙ୍କ ମଧ୍ୟରେ ଟକ୍କର ଦେଖିବାକୁ ମିଳିବ । ଚଳିତ ଟୁର୍ଣ୍ଣାମେଣ୍ଟରେ ପାକିସ୍ତାନ ଭାରତଠାରୁ ଦୁଇ ଦୁଇଥର ପରାସ୍ତ ହୋଇସାରିଛି ।

ପାକିସ୍ତାନ ବିବାଦ ଘେରରେ

ପଡ଼ିଆରେ ପାକିସ୍ତାନର ଉଦ୍ଧତପଣ ଏବଂ ଭାରତୀୟ ଖେଳାଳିଙ୍କ ନୋ ହ୍ୟାଣ୍ଡସେକ୍ ଝଟକା ନେଇ ପାକିସ୍ତାନ ବିବାଦ ଘେରରେ ରହିଛି । ଏସବୁ ଭିତରେ ଉଭୟ ଦେଶ ମଧ୍ୟରେ ଫାଇନାଲ୍ ଟକ୍କର କ୍ରିକେଟରେ ନୂଆ ରୋମାଞ୍ଚ ଭରିଛି ।  

ଗତକାଲି ମ୍ୟାଚରେ ଟସ୍ ଜିତି ପ୍ରଥମେ ବୋଲିଂ କରିଥିଲା ବାଂଲାଦେଶ । ସଂଘର୍ଷ କରି ପାକିସ୍ତାନ ୧୩୫ ରନ ସ୍କୋର୍ କରିଥିଲା। ଜବାବରେ ବାଂଲାଦେଶ ବି ସଂଘର୍ଷ କରିଥିଲା। ଶେଷକୁ ଗୋଟିଏ ଓଭରରେ ଡବଲ୍ ଝଟକା ବାଂଲାଦେଶ ପରାଜିତ କରିଥିଲା ।  ଆଜି ଭାରତ-ଶ୍ରୀଲଙ୍କା ଶେଷ ସୁପର୍ -୪ ମୁକାବିଲା ଅନୁଷ୍ଠିତ ହେବ ।