Hardik Pandya: ହାର୍ଦ୍ଦିକ ପାଣ୍ଡ୍ୟାଙ୍କ ନୂଆ ଗର୍ଲଫ୍ରେଣ୍ଡ, ସୋସିଆଲ ମିଡିଆରେ ଭାଇରାଲ ହେଉଛି ଫଟୋ...ପଢ଼ନ୍ତୁ ଗୋଟିଏ କ୍ଲିକରେ

ଭାରତୀୟ କ୍ରିକେଟ୍ ଦଳର ଷ୍ଟାର ଖେଳାଳି ହାର୍ଦ୍ଦିକ ପାଣ୍ଡ୍ୟା ନିଜର ୩୨ତମ ଜନ୍ମଦିନ ସେଲିବ୍ରେଟ କରିଛନ୍ତି । ଏହି ଅବସରରେ ତାଙ୍କର ପ୍ରଶଂସକ ଓ ସେଲିବ୍ରିଟିମାନେ ତାଙ୍କୁ ଶୁଭେଚ୍ଛା ଜଣାଇଥିଲେ । ସେପଟେ କ୍ରିକେଟର ନିଜର ବ୍ୟକ୍ତିଗତ ଜୀବନର ଏକ ଅପଡେଟ୍ ଇନଷ୍ଟାଗ୍ରାମ ଷ୍ଟୋରୀରେ ଦେଇଥିଲେ। ପ୍ରକୃତରେ, ହାର୍ଦ୍ଦିକ ପାଣ୍ଡ୍ୟା ମାହିକା ଶର୍ମାଙ୍କ ସହ ନିଜର ସମ୍ପର୍କ ଦୁଇଟି ଫଟୋ ମାଧ୍ୟମରେ ନିଶ୍ଚିତ କରିଛନ୍ତି। ଏହା ପୂର୍ବରୁ କ୍ରିକେଟର ସିକ୍ରେଟ ଗର୍ଲଫ୍ରେଣ୍ଡଙ୍କ ସହ ମୁମ୍ବାଇ ବିମାନବନ୍ଦରରେ ସ୍ପଟ ହୋଇଥିଲେ । ଫଳରେ ଉଭୟଙ୍କ ସମ୍ପର୍କ ଚର୍ଚ୍ଚାରେ ଆସିଥିଲା।

ଇନଷ୍ଟାଗ୍ରାମ ଷ୍ଟୋରୀ

ଇନଷ୍ଟାଗ୍ରାମ ଷ୍ଟୋରୀରେ ହାର୍ଦ୍ଦିକ ପାଣ୍ଡ୍ୟା ଫଟୋ ସେୟାର କରିଥିଲେ, ଯେଉଁଥିରେ ଦୁଇଟି ଫଟୋରେ ସେ ନିଜର ସିକ୍ରେଟ ଗର୍ଲଫ୍ରେଣ୍ଡ ମାହିକାଙ୍କ ସହ ନଜର ଆସିଛନ୍ତି। ଗୋଟିଏ ଫଟୋରେ ସମୁଦ୍ର କୂଳରେ ଉଭୟେ ବ୍ୟାକ ପୋଜ୍ ଦେଉଥିବା ଦେଖାଯାଇଛନ୍ତି। ଅନ୍ୟ ଏକ ଫଟୋ କଳା-ଧଳା ଥିଲା, ଯେଉଁଥିରେ ଉଭୟେ କ୍ୟାମେରା ଆଡ଼କୁ ପୋଜ୍ ଦେଇ ହାତ ଧରାଧରି ହୋଇ ନଜର ଆସିଛନ୍ତି। ଏହା ବ୍ୟତୀତ, କ୍ରିକେଟର ଦ୍ୱାରା ସେୟାର କରାଯାଇଥିବା ଫଟୋଗୁଡ଼ିକରେ ଜନ୍ମଦିନର କେକ୍ ଠାରୁ ଆରମ୍ଭ କରି ପୁଅ, ମା’ ଓ ଜେଜେମାଙ୍କ ଝଲକ ମଧ୍ୟ ଦେଖିବାକୁ ମିଳିଛି। 

ଯେଉଁମାନେ ଜାଣି ନାହାନ୍ତି, ସେମାନଙ୍କୁ କହିଦେଉଛୁ ଯେ ହାର୍ଦ୍ଦିକ ପାଣ୍ଡ୍ୟାଙ୍କ ଫଟୋଗୁଡ଼ିକ ସେତେବେଳେ ଆସିଛି ଯେତେବେଳେ ସେ ନିଜର ସମ୍ପର୍କକୁ ନେଇ ଚର୍ଚ୍ଚାରେ ଅଛନ୍ତି। ସୋସିଆଲ ମିଡିଆରେ ବିମାନବନ୍ଦରରେ ଏକାଠି ଦେଖା ଦେବା ପରେ ଉଭୟଙ୍କ ଫଟୋ ଭାଇରାଲ ହେଉଛି। ଅନ୍ୟପଟେ ଲୋକମାନେ କ୍ରିକେଟରଙ୍କୁ ଟ୍ରୋଲ କରୁଥିବା ଦେଖାଯାଉଛନ୍ତି। ମାହିକା ଶର୍ମା ଜଣେ ପୁରସ୍କାର ବିଜେତା ମଡେଲ ଓ ଅଭିନେତ୍ରୀ, ଯିଏ ଅନେକ ମ୍ୟୁଜିକ୍ ଭିଡିଓରେ କାମ କରିଛନ୍ତି ଏବଂ ଅନେକ ଶୀର୍ଷ ଡିଜାଇନରଙ୍କ ସହ କାମ କରିଛନ୍ତି। ତେବେ ଅଭିନେତ୍ରୀଙ୍କ ବ୍ୟକ୍ତିଗତ ଜୀବନ ଚର୍ଚ୍ଚା ଠାରୁ ଦୂରେଇ ରହିଛି।