ପରଲୋକରେ ଭାରତର ପୂର୍ବତନ ଫୁଟବଲର୍

ନୂଆଦିଲ୍ଲୀ: ଭାରତୀୟ ଫୁଟବଲ ଦଳର ପୂର୍ବତନ ଗୋଲକିପର ଭାସ୍କର ମୈତୀଙ୍କର ବୁଧବାର ୬୭ ବର୍ଷ ବୟସରେ ପରଲୋକ ହୋଇଛି। ନଭି ମୁମ୍ବାଇଠାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କ ପାଖରେ ତାଙ୍କ ପତ୍ନୀ, ପୁଅ ଓ ଝିଅ ଉପସ୍ଥିତ ଥିଲେ। ଏ ନେଇ ତାଙ୍କ ପାରିବାରିବ ବନ୍ଧୁ ଶଶୀକାନ୍ତ ପ୍ରସାଦ କହିଛନ୍ତି, ବୁଧବାର ସନ୍ଧ୍ୟା ୬ଟା ବେଳେ ଏମଜିଏମ୍ ହସ୍ପିଟାଲରେ ଚିକିତ୍ସିତ ହେଉଥିବା ଭାସ୍କରଙ୍କର ମସ୍କିଷ୍କ ରକ୍ତସ୍ରାବ କାରଣରୁ ଦେହାନ୍ତ ହୋଇଛି।

https://twitter.com/IndianFootball/status/1296092369616478208?s=20

ଭାସ୍କର ୧୯୭୮ ଏସିଆନ୍ ଗେମ୍ସରେ ଇରାକ୍ ବିପକ୍ଷ ମ୍ୟାଚରେ ଭାରତର ପ୍ରତିନିଧିତ୍ୱ କରିଥିଲେ। ସେ ୧୯୭୫ରୁ ୧୯୭୯ ପର୍ଯ୍ୟନ୍ତ ସନ୍ତୋଷ ଟ୍ରଫିରେ ମହାରାଷ୍ଟ୍ର ପକ୍ଷରୁ ଖେଳିଥିଲେ। ସେ ୧୯୭୪ରୁ ୧୯୮୦ ପର୍ଯ୍ୟନ୍ତ ମଫତଲାଲ ସ୍ପୋର୍ଟ୍ସ କ୍ଲବ୍ ଏବଂ ୧୯୮୧ ଓ ୧୯୮୨ରେ ରାଷ୍ଟ୍ରୀୟ କେମିକାଲ୍ସ ଏବଂ ଫର୍ଟିଲାଇଜର୍ସ (ଆରସିଏଫ୍) ପକ୍ଷରୁ ଖେଳିଥିଲେ।

ସନ୍ନ୍ୟାସ ପରେ ସେ ଆରସିଏଫ୍ ଫୁଟବଲ୍ ଟିମର କୋଚ୍ ହୋଥଥିଲେ। ତାଙ୍କ ପରଲୋକରେ ସର୍ବଭାରତୀୟ ଫୁଟବଲ୍ ମହାସଂଘର ଅଧ୍ୟକ୍ଷ ପ୍ରଫୁଲ୍ଲ ପଟେଲ୍ ଦୁଃଖ ପ୍ରକାଶ କରିଛନ୍ତି।