ଛାତରୁ ଖସୁଥିବା ଜଳବୁନ୍ଦା କହେ କେଉଁବର୍ଷ କେତେ ବୃଷ୍ଟିପାତ ହେବ

ବୌଦ୍ଧସ୍ତୁପ ପରି ମନ୍ଦିର ନିର୍ମାଣ ଶୈଳୀ

ବାହାରୁ ବୌଦ୍ଧସ୍ତୁପ ପରି ଦିଶୁଥିଲେ ମଧ୍ୟ ଭିତରର ନିର୍ମାଣ ନାଗରା ଶୈଳୀର ଏବଂ ଭିତରେ ଜଗନ୍ନାଥଙ୍କ ପ୍ରତିମା ମୁଖ୍ୟ ଦେବତା। ତେଣୁ ବିଚାର କରାଯାଏ ଏହା ଏକାଦଶ ବା ଦ୍ୱାଦଶ ଶତାବ୍ଦୀରେ ନିର୍ମିତ। ମନ୍ଦିରର କିଛି ଅଂଶ ଧ୍ୱଂସ ପାଇଯାଇଥିଲେ ହେଁ ସ୍ଥାନୀୟ ଜମିଦାର ଏହାର ମରାମତି କରିଥିଲେ। ମନ୍ଦିରର କାନ୍ଥର ମୋଟେଇ ୧୪ ଫୁଟ ଏବଂ ଭିତର ଭାଗ ୭୦୦ ବର୍ଗ ଫୁଟର। ମନ୍ଦିରର ପୂଜାରୀ ଦିନେଶ ଶୁକ୍ଲାଙ୍କ କହିବା ଅନୁଯାୟୀ ତାଙ୍କ ପରିବାରର ୭ ପିଢ଼ି ଏହି ମନ୍ଦିରର ପୂଜାପାଠ କରିଆସୁଛନ୍ତି।

ନିର୍ମାଣ ସମୟକୁ ନେଇ ଦ୍ୱନ୍ଦ୍ୱ

ପ୍ରତ୍ନତତ୍ତ୍ୱ ବିଭାଗ ଦ୍ୱାରା ସଂରକ୍ଷିତ ଏହି ମନ୍ଦିରର ନିର୍ମାଣ କାଳକୁ ନେଇ ନାନା ଐତିହାସିକ ନାନା ମତ ଦିଅନ୍ତି। କେତେକ କହନ୍ତି ଏହା ଏକାଦଶ ଶତାବ୍ଦୀରେ ନିର୍ମିତ। କିନ୍ତୁ ଭିତରର ଚିତ୍ର କହେ ଏହା ଦ୍ୱିତୀୟରୁ ଚତୁର୍ଥ ଶତାବ୍ଦୀ ମଧ୍ୟରେ ନିର୍ମିତ। ମନ୍ଦିରର ଦ୍ୱାରର କୀର୍ତ୍ତିରାଜି ପାଇଁ ଏହାକୁ କିଛି ଐତିହାସିକ ଖ୍ରୀଷ୍ଟପୂର୍ବ ୨୦୦୦ର ବୋଲି କଳନା କରୁଛନ୍ତି। ଐତିହାସିକ ଅଜୟ ତ୍ରିବେଦୀଙ୍କ କହିବା ଅନୁଯାୟୀ ଏହା ଗୁର୍ଜର-ପ୍ରତିହାରୀ ରାଜବଂଶର ଶାସନ ସମୟରେ ନିର୍ମିତ। ତେଣୁ ଏହା ଏକାଦଶରୁ ତ୍ରୟୋଦଶ ଶତାବ୍ଦୀ ସମୟରେ ଏହା ନିର୍ମିତ ହୋଇଥିବ ବୋଲି ସେ ଆକଳନ କରିଛନ୍ତି।