Migrant Worker Missing for Eight Months: ଆଠମାସ ହେଲା ସ୍ୱାମୀ ନିଖୋଜ, ପୋଲିସ ନିଷ୍କ୍ରିୟତାରେ ସରକାରଙ୍କୁ ଗୁହାରି

ଆଠମାସ ହେଲା ସ୍ୱାମୀ ନିଖୋଜ, ଥାନାରେ ଅଭିଯୋଗ ପରେ ବି ମିଳୁନି ଖୋଜ ଖବର। ଏଭଳି ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଡ଼ଙ୍ଗାପାଳ ଗାଁରେ l ଡ଼ଙ୍ଗାପାଳ ଗ୍ରାମର ରତନା ପାତ୍ରଙ୍କୁ ଡିହଯୋଡି ସାହିର ଲକ୍ଷ୍ମୀଧର ପାତ୍ର ଓ ତାଙ୍କ ପୁଅ ଲୁଲୁପାତ୍ର ତାମିଲନାଡୁର ଏକ କମ୍ପାନୀରେ କାମ କରିବାକୁ କହି ଘରୁ ଡାକିନେଇଥିଲେ l

ଘରୁ ଯିବାର କୋଡିଏ ଦିନ ପର୍ଯ୍ୟନ୍ତ ରତନାଙ୍କ ସହ ପବରୀ ଫୋନ ଯୋଗେ କଥା ହୋଇଥିବା ବେଳେ ପରେ ତାଙ୍କ ସହ ଆଉ କୌଣସି ଯୋଗାଯୋଗ କରି ପାରିନଥିଲେ l ପବରୀ ତାଙ୍କ ସ୍ୱାମୀଙ୍କ ବିଷୟରେ ଲକ୍ଷ୍ମୀଧର ଓ ତାଙ୍କ ପୁଅ ଲୁଲୁଙ୍କୁ ପଚାରିବାରୁ ସେ ଘରକୁ ଫେରିଯାଇଥିବା କହିଥିଲେ।

ଏନେଇ କଙ୍କଡାହାଡ଼ ଥାନାରେ ଏକ ଲିଖିତ ଅଭିଯୋଗ କରିଥିଲେ ସ୍ତ୍ରୀ ପବରି l କିନ୍ତୁ ଅଭିଯୋଗକୁ ପ୍ରାୟ ଆଠମାସ ବିତି ଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ରତନାଙ୍କ ବିଷୟରେ କୌଣସି ସୂଚନା ପାଇନାହାନ୍ତି ପବରୀ l ଯାହାକୁ ନେଇ ସ୍ୱାମୀଙ୍କୁ ଖୋଜି ଆଣିବାକୁ ସରକାରଙ୍କୁ ଗୁହାରି କରିଛନ୍ତି l