Crowded Fish Markets: କଙ୍କଡା କେଜି ୨୫ଶହ ! ଛାଡ଼ଖାଇ ଆଇଁଷ ବାରରେ ପ୍ରବଳ ଗହଳି

ଧର୍ମ ମାସ କାର୍ତ୍ତିକ ପର ଦିନ ଛାଡଖାଇ । କିନ୍ତୁ ଏଥର ଛାଡଖାଇ ଗୁରୁବାରରେ ପଡିଥିଲା ତେଣୁ ଟିକେ ମାଛ ମାର୍କେଟ ଟିକେ ମାନ୍ଦା ପଡିଯାଇଥିଲା । କିନ୍ତୁ ଆଜି ଶୁକ୍ରବାର ଦିନ ଛାଡଖାଇ ସ୍ପେଶାଲ ହେଉଛି । ମାସ ମାସ ଧରି ମାଛ ମାଂସ ନଖାଇ ପାଟି ଟିକେ ଅସୁଆଦିଆ ହୋଇଯାଇଥିଲା ତେଣୁ ଆଜି ଟିକେ ମାଛ ମାଂସ ମାଡ ହେବ । ସକାଳୁ ସକାଳୁ ଭୁବନେଶ୍ବରରେ ମାଛ ମାର୍କେଟରେ ଭିଡ । ସକାଳ ବେଳକୁ  ପାଦ ପକାଇବାକୁ ଜାଗା ନାର୍ହି । ମାର୍କେଟରେ ଭଳିକି ଭଳି ମାଛ । ରୋହି, ଭାକୁର, ଭେକଟି ମାଛ ସାଂଗକୁ କଙ୍କଡା, ଚିଙ୍ଗୁଡି, ମଟନ୍ ,ଚିକେନ୍, ଅଣ୍ଡା ନେବାକୁ ଲୋକଙ୍କ ଭିଡ ଜମିଛି ।  ନିଜ ନିଜ ପସନ୍ଦର ନନଭେଜ୍ ନେବାକୁ  ଗ୍ରାହକ ବି ରେଡି । 

ଛାଡଖାଇ ପାଇଁ ଟିକେ ମାଛ ମାଂସର ଦର ବି ବଢିଯାଇଛି । କଙ୍କଡା ଦର ଶୁଣିଲେ ମୁଣ୍ଡ ଘାବରେଇ ଯିବ । କଙ୍କଡା କିଲ ୫ ଶହରୁ ଆରମ୍ଭ କରି ୨୫ ଶହ ଟଙ୍କା , ମଟନ୍  ୮ ଶହରୁ ୮୫୦ ରହିଛି  । ମାଛର ଦାମ୍ ବି ଟିକେ ଉଚ୍ଚା ରହିଛି।  ସେହିପରି ରୋହି ଭାକୁର ୨୦୦ ଟଙ୍କା, ମିରିକାଳୀ ୨୫୦, ବାଗଦା ଚିଙ୍ଗୁଡ଼ି ୬୦୦ରୁ୧୦୦୦, ଇଲିସି ୧୮୦୦,ବଡ଼ ଚିଙ୍ଗୁଡ଼ି ୪୮୦,ପୋହଳା ୨୦୦, ଚୁନା ମାଛ ୨୫୦,ଅକ୍ଟୋପସ ୩୦୦, ଚାନ୍ଦି ୨୫୦, ପମ୍ପ୍ଲେଟ ୯୦୦ , କୁରାଣ୍ଡି ୩୫୦, କଣ୍ଟାଲ ୫00, ଭେକଟି ୫00 ,କିଂଗ୍ ଫିସ୍ ୬00 ଟଙ୍କା ରହିଛି । ଆଜି ଛାଡଖାଇ ପାଇଁ  ଭଲ ବିଜିନେସ୍ ହେବ ବୋଲି ବ୍ୟବସାୟୀ ସଂଘ ଆଶା କରିଛନ୍ତି । 

ଆଜି ଛାଡଖାଇରେ  ସମଗ୍ର ଓଡିଶାରେ ୬୦ରୁ ୭୦ କୋଟି ଟଙ୍କାର ବିଜନେସ୍ ଏବଂ କେବଳ ଭୁବନେଶ୍ବରରେ ୫ ରୁ ୭ କୋଟି ବିଜିନେସ୍ ହେବ ବୋଲି ଆଶା ରଖିଛନ୍ତି ମାଛ  ବ୍ୟବସାୟୀ ସଂଘ ।