Cobra Hangs Inside House: ଫଣା ଟେକି ଗର୍ଜନ କଲା ନାଗ ! ସାପ ଭୟରେ ଥରୁଥିଲେ ପରିବାର

ଫଣା ଟେକି ଗର୍ଜନ କଲା ନାଗ ! ଘର ଭିତରେ ଝୁଲି ରହିଲା । ସାପ ଭୟରେ ଥରୁଥିଲେ ପରିବାର । କବାଟର ଏ କନ୍ଦି ଭିତରେ ବିରାଟ ନାଗ ସାପଟି କିପରି ଝୁଲି ରହିଛି ଟିକେ ଦେଖିନିଅନ୍ତୁ…

ପରିବାରର ସାବଧାନତା ଯୋଗୁ ଆଜି ରକ୍ଷା ପାଇଯାଇଛି କୁନି ପୁଅର ଜୀବନ । ବଲାଙ୍ଗୀର ଜିଲ୍ଲା ବେଲପଡା ବ୍ଲକ କଟାପାଲି ଗାଁର ଘଟଣା । ସିକେଶ୍ୱର ପାଣ୍ଡେଙ୍କ ଘରେ ନାଗଟି ବେଶ୍ କିଛି ସମୟ ଧରି ଆତଙ୍କ ଖେଳାଇଥିଲା । ପରେ ସାପଟିକୁ ଉଦ୍ଧାର କରାଯାଇଥିବା ସୂଚନା ମିଳିଛି । 

ସିକେଶ୍ୱରଙ୍କ ୮ ବର୍ଷିୟ ନାତି ଛୋଟୁ ସାପଟିକୁ ପ୍ରଥମେ ଦେଖିଥିଲେ । ସେ ଘର ଭିତରକୁ ଯିବା ସମୟରେ ସାପଟି ତାଙ୍କ ମୁଣ୍ଡରେ ବାଡେଇ ହୋଇ ଯାଇଥିଲା । ଫଳରେ ସେ ନାଗସାପକୁ ଦେଖି ଚିତ୍କାର କରିଥିଲେ । ପରେ ପରିବାର ଲୋକ ସାପଟିକୁ କୌସଳ କ୍ରମେ କାବୁ କରିଥିଲେ । ତେବେ ଏକ ବଡ଼ ଅଘଟଣରୁ ଅଳ୍ପକେ ପରିବାରଟି ବର୍ତ୍ତିଯାଇଛି। ବାରମ୍ବାର ସାପ ଜନିତ ମୃତ୍ୟୁ ନେଇ ଖବର ଆସୁଥିବାବେଳେ  ପୁଣି ବଲାଙ୍ଗିରର ବେଲପଡ଼ାରୁ ଏହି ଚିତ୍ର ସାମ୍ନାକୁ ଆସିଛି ।