Shocking Incident: ବୋମା ଖାଇ ହାତୀ ଗୁରୁତର, ଅସୁସ୍ଥ ହାତୀର ବୟସ ପ୍ରାୟ ୬ ରୁ ୭ ବର୍ଷ

ବୋମା ଖାଇ ହାତୀ ଗୁରୁତର । ଅନୁଗୁଳ ବନଖଣ୍ଡ ବନ୍ତଳା ବନାଞ୍ଚଳ ପଥରଗଡ଼ ସାହି ନିକଟରେ ଅସୁସ୍ଥ ହାତୀ ଠାବ ଘଟଣାରେ ଚାଞ୍ଚଲ୍ୟକର ଖୁଲାସା । ବୋମା ଖାଇ ହାତୀଟି ଗୁରୁତର ହୋଇଥିବା ସୂଚନା ଦେଇଛନ୍ତି ଚିକିତ୍ସା କରୁଥିବା ଡାକ୍ତର ପ୍ରଦୀପ୍ତ କୁମାର ସିଂହ । ପ୍ରାୟ ୫ରୁ ୬ ଦିନ ତଳେ ହାତୀଟି ବୋମା ଖାଇଥିବା ସନ୍ଦେହ କରାଯାଉଛି। 

ହାତୀର ପାଟିରେ ଗଭୀର କ୍ଷତ ହୋଇଛି। ଅଧିକ ଚିକିତ୍ସା ପାଇଁ କପିଳାସ, ଅନୁଗୁଳ ଓ ସାତକୋଶିଆରୁ ଡାକ୍ତରୀ ଟିମ ପହଞ୍ଚି ଚିକିତ୍ସା ଆରମ୍ଭ କରିଛନ୍ତି। ଗୁରୁତର ହାତୀଟିର ବୟସ ପ୍ରାୟ ୬ରୁ ୭ ବର୍ଷ ହେବ । ତେବେ କେଉଁଠି ଓ କିଭଳି ହାତୀଟି ବୋମା ଖାଇଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ବନ ବିଭାଗ ଘଟଣାର ତଦନ୍ତ କରୁଛି । 

ବନ୍ତଳା ରେଞ୍ଜ ବାଳୁଅକଟା ଗାଁରୁ ଅସୁସ୍ଥ ହାତୀ ଠାବ

ହାତୀ ପାଟିରେ ଗଭୀର କ୍ଷତ
୫ରୁ୬ ଦିନ ତଳୁ ହାତୀ ବୋମା ଖାଇଥିବା ସନ୍ଦେହ