Blood Bank Non-Functional For Nine Days: ରକ୍ତଭଣ୍ଡାର ଅଚଳ; ୯ ଦିନ ହେଲାଣି ବନ୍ଦ ରହିଛି

ପ୍ରାୟ ୧୦ ଦିନ ହେବ ରକ୍ତଭଣ୍ଡାର ଅଚଳ। ୯ ଦିନ ହେଲାଣି ଅଚଳ ରହିଛି ରକ୍ତ ଭଣ୍ଡାର। ରକ୍ତ ଭଣ୍ଡାର ବନ୍ଦ ଥିବାରୁ ଲୋକେ ହନ୍ତସନ୍ତ ହେଉଛନ୍ତି। ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ହସ୍ପିଟାଲରେ ଅବ୍ୟବସ୍ଥା। ରକ୍ତ ସଂରକ୍ଷଣ ଗୃହରୁ ୯ ଦିନ ହେଲାଣି ରୋଗୀଙ୍କୁ ମିଳୁନି ରକ୍ତ l ଫଳରେ ହସ୍ପିଟାଲରେ ଭର୍ତ୍ତି ହୋଇଥିବା ରୋଗୀ ହଇରାଣ ହରକତ ହେଉଥିବା ଅଭିଯୋଗ କରିଛନ୍ତି ରୋଗୀଙ୍କ ସମ୍ପର୍କୀୟ। 

ଏପଟେ କିନ୍ତୁ ଭର୍ତ୍ତି ହୋଇଥିବା ରୋଗୀ କିମ୍ବା ହସ୍ପିଟାଲକୁ ଆସୁଥିବା ରୋଗୀ ଟିଟିଲାଗଡ଼, ପାଟଣାଗଡ଼, ବଲାଙ୍ଗୀର ହସ୍ପିଟାଲକୁ ଯାଉଛନ୍ତି l ଏପରିକି ଭର୍ତ୍ତି ହୋଇଥିବା ରୋଗୀଙ୍କୁ ରକ୍ତ ଦେବାକୁ ହେଲେ ରେଫର କରାଯାଉଥିବା ଅଭିଯୋଗ ହେଉଛି l ଯଦି ଅତିଶୀଘ୍ର ଏହାର ବ୍ୟବସ୍ଥା କରାନଗଲେ ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି ସ୍ଥାନୀୟ ଲୋକେ। 

ସେପଟେ ରକ୍ତଭଣ୍ଡାର ବନ୍ଦ ଘଟଣାକୁ ହସ୍ପିଟାଲ ଇନଚାର୍ଜ ସ୍ୱୀକାର କରିଥିବା ବେଳେ ଏହାର କାଗଜପତ୍ର ଯାଞ୍ଚ ଚାଲିଛି ବୋଲି କହିଛନ୍ତି।

• ହସ୍ପିଟାଲରେ ରକ୍ତଭଣ୍ଡାର ଅଚଳ 
• ୯ ଦିନ ହେଲାଣି ବନ୍ଦ ରହିଛି ରକ୍ତ ଭଣ୍ଡାର
• ରୋଗୀଙ୍କୁ ମିଳୁନି ରକ୍ତ
• ଚିକିତ୍ସା କରିବାକୁ ଆସି ହନ୍ତସନ୍ତ ରୋଗୀ
• ଅନ୍ୟ ହସ୍ପିଟାଲ ଯିବାକୁ ବାଧ୍ୟ ହେଉଛନ୍ତି ରୋଗୀ
• ବଲାଙ୍ଗିର କଣ୍ଟାବାଞ୍ଜି ହସ୍ପିଟାଲର ଏ ସ୍ଥିତି