Accident Warning Watch: ଭୁବନେଶ୍ୱରରେ ଲାଗିବ ସଡ଼କ ଦୁର୍ଘଟଣା ସତର୍କ ଘଣ୍ଟା

ଭୁବନେଶ୍ୱରରେ ଲାଗିବ ସଡ଼କ ଦୁର୍ଘଟଣା ସତର୍କ ଘଣ୍ଟା । ସହରର ଏଜି ସ୍କୋୟାରରେ ସ୍ଥାପନ ହେବ ଓଡ଼ିଶା ସଡ଼କ ଦୁର୍ଘଟଣା ଘଣ୍ଟା । ସଡ଼କ ଦୁର୍ଘଟଣା ବିଷୟରେ ଜନସଚେତନତା ସୃଷ୍ଟି କରିବା ଏବଂ ସକାରାତ୍ମକ ଆଚରଣଗତ ପରିବର୍ତ୍ତନକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଲାଗିବ ଘଣ୍ଟା। ମେସର୍ସ ଆଡସଫ୍ଟ ଟେକ୍ନୋଲୋଜି ଲିମିଟେଡ୍ ପକ୍ଷରୁ ଦୁର୍ଘଟଣା ଘଣ୍ଟା ପାଇଁ ଏକ ବାହ୍ୟ ଭିଡିଓ ୱାଲ୍ ପାଇଁ ଏକ ଟେକ୍ନୋ-କମର୍ସିଆଲ୍ ପ୍ରସ୍ତାବ ମଧ୍ୟ ପ୍ରାପ୍ତ ହୋଇଛି ।

ପରିବହନ କମିଶନରଙ୍କ ସହ ପରାମର୍ଶ କରି ଦୁର୍ଘଟଣା ଘଣ୍ଟା ସ୍ଥାପନ ପାଇଁ ଆବଶ୍ୟକୀୟ ପଦକ୍ଷେପ ନେବାକୁ ଭୁବନେଶ୍ୱର ସ୍ମାର୍ଟ ସିଟି ଲିମିଟେଡର ମହାପ୍ରବନ୍ଧକଙ୍କୁ ପରିବହନ ଯୁଗ୍ମ ନିର୍ଦ୍ଧେଶକ ଙ୍କ ଚିଠି। ଏହି ଘଣ୍ଟା ଆପଣଙ୍କୁ କହିବ  ଦୁର୍ଘଟଣା କଥା ।  ସମୟ ଅନୁସାରେ ଦେବ ଦୁର୍ଘଟଣାର ସତର୍କ ବାଣୀ ।  କେଉଁ ସମୟରେ କେଉଁଠି ଦୁର୍ଘଟଣା ଘଟିଛି ? କେମିତି ଦୁର୍ଘଟଣା  ଘଟିଛି ? ଦୁର୍ଘଟଣାରୁ ବର୍ତିବା ପାଇଁ କଣ ସତର୍କତା ଅବଲମ୍ବନ କରିବା ଜରୁରୀ । ଏହି ଦୁର୍ଘଟଣା ଜନିତ ଘଣ୍ଟା ପୂର୍ବରୁ ଅନେକ ସହରରେ ଲାଗିଛି ।

ଏବେ ଏହା ଭୁବନେଶ୍ବରରେ ଲାଗିବା ନେଇ ନିଷ୍ପତି ନିଆଯାଇଥିବା କହିଛନ୍ତି ସଡକ ସୁରକ୍ଷା ବିଶେଷଜ୍ଞ । ସେପଟେ ଚିନ୍ତା ବଢାଇଛି ପିକନିକ ଋତୁ । ନଭେମ୍ବର ୧୬ ରୁ ଫେବୃୟାରୀ ୨୮ ତାରିଖ ପର୍ଯ୍ୟନ୍ତ ଜୋରଦାର ଚେକିଂ କରିବା ପାଇଁ ପରିବହନ ବିଭାଗ ପକ୍ଷରୁ ସମସ୍ତ ଥାନା ଓ ପରିବହନ ବିଭାଗ ଷ୍ଟାଫଙ୍କୁ ନିର୍ଦ୍ଦେଶ ଦିଆଯାଇଛି । 4 ମାସ ଜୋରଦାର୍ ଚେକିଂ ପାଇଁ ପରିବହନ ବିଭାଗର ନିର୍ଦ୍ଦେଶ ।  ସବୁ ଥାନାର ପୋଲିସ ରାସ୍ତାରେ କଡାକଡି ଚେକିଂ ପାଇଁ ରାଜ୍ୟ ସରକାରଙ୍କ ନିର୍ଦ୍ଦେଶ  

ଭୁବନେଶ୍ୱରରେ ଲାଗିବ ସଡ଼କ ଦୁର୍ଘଟଣା ସତର୍କ ଘଣ୍ଟା 
ସହରର ଏଜି ସ୍କୋୟାରରେ ସ୍ଥାପନ ହେବ ଘଣ୍ଟା
ସଡ଼କ ଦୁର୍ଘଟଣା ବିଷୟରେ ସଚେତନତା ସୃଷ୍ଟି କରିବ