ଜାରି ରହିଛି ଗ୍ରୀଷ୍ମ ପ୍ରଭାବ; ୪୦ ଡିଗ୍ରୀ ପାର୍‌ କଲା ୧୧ଟି ସହରର ତାପମାତ୍ରା

ସାରା ରାଜ୍ୟରେ ଜାରି ରହିଛି ଗ୍ରୀଷ୍ମ ଲହରୀ । ପଶ୍ଚିମ ଓଡ଼ିଶାର ବିଭିନ୍ନ ଜିଲ୍ଲାରେ ଲଗାତାର ଭାବେ ବଢୁଛି ତାପମାତ୍ରା । ଚଳିତ ବର୍ଷ ପ୍ରଥମ ଥର ପାଇଁ ସୋନପୁର ଓ ବଲାଙ୍ଗୀରର ତାପମାତ୍ରା ୪୩ ଡିଗ୍ରୀ ପାର ହୋଇଛି ।

ସେହିପରି ଗତାକାଲି ୧୧ଟି ସହରରେ ତାପମାତ୍ରା ୪୦ ପାର ହୋଇଥିବା ବେଳେ, ସୋନପୁର ଓ ବଲାଙ୍ଗିରରେ ସର୍ବାଧିକ ତାପମାତ୍ରା ୪୩ ଡିଗ୍ରୀ ରହିଥିଲା । ସେପଟେ ଖରାର ଅଘୋଷିତ କର୍ଫ୍ୟୁ ପାଇଁ ସକାଳ ୧୦ଟା ହେଲେ ରାସ୍ତାଘାଟ ଶୁନଶାନ୍ ହୋଇଯାଉଛି । ତା ସାଙ୍ଗକୁ ଝାଞ୍ଜି ପବନ ଜନଜୀବନକୁ ସନ୍ତୁଳି ଦେଉଳି ।

ପାଣିପାଗ କେନ୍ଦ୍ରର ସୂଚନା ଆନୁସାରେ, ଆଗାମୀ ତିନି ଦିନ ଯାଏ ରାଜ୍ୟବାସୀଙ୍କୁ ତାତିରୁ ତ୍ରାହି ମିଳିବନି । ପାଗରେ କୌଣସି ପରିବର୍ତ୍ତନର ସମ୍ଭାବନା ନଥିବାରୁ ତାତି ସମାନ ରହିବ ।